«2025 جىلعا دەيىن حالىقتىڭ تابىسىن ارتتىرۋ باعدارلاماسى اياسىندا قر ەڭبەك جانە حالىقتى الەۋمەتتىك قورعاۋ مينيسترلىگى 3 نەگىزگى باعىت بويىنشا جۇمىس جۇرگىزەدى: جاڭا جۇمىس ورىندارىن قۇرۋ, ياعني, حالىقتى جۇمىسپەن قامتۋعا جاردەمدەسۋ, ەڭبەك رەسۋرستارى داعدىلارىن جەتىلدىرۋ جانە جاستاردى كاسىپتىك باعدارلاۋ», دەدى سەرىك شاپكەنوۆ ۇكىمەت وتىرىسىندا.
ونىڭ ايتۋىنشا, بۇل باعىتتا ەڭبەك مينيسترلىگىنىڭ قاتىسۋىمەن 33 ءىس-شارا قاراستىرىلعان, 16 ءىس-شارانى مينيسترلىك تىكەلەي جۇزەگە اسىرادى.
«اتالعان شارالار ەڭ تومەنگى كۇنكورىس دەڭگەيىنەن تومەن تابىس الاتىن حالىقتىڭ ۇلەسىن ازايتۋدى, جۇمىسسىزدىق دەڭگەيىن تومەندەتۋدى, 2025 جىلعا دەيىن شامامەن 2 ملن جاڭا جۇمىس ورنىن قۇرۋدى كوزدەيدى», دەدى مينيستر.
ول سونداي-اق جاڭا جۇمىس ورىندارىن قۇرۋ بويىنشا جۇمىس شەڭبەرىندە ەحاقم فريلانسەرلەر قىزمەتىن تسيفرلىق فورماتقا كوشىرۋ ماقساتىندا «پلاتفورمالىق جۇمىس» ەلەكتروندىق سەرۆيسىن ازىرلەيتىنىن حابارلادى.
بۇل ءوزىن-ءوزى جۇمىسپەن قامتىعان ازاماتتاردىڭ قىزمەتىن ءتۇرلى پلاتفورمالاردا وڭاي تىركەۋگە, قاجەتتى مامانداردى تەز تابۋعا, ەڭبەك قۇقىقتارىن قورعاۋعا جانە تاپسىرىس بەرۋشىلەرمەن قارىم-قاتىناستى رەسمي رەسىمدەۋگە مۇمكىندىك بەرەدى. بۇدان باسقا, 3 جانە 4 ساناتتار بويىنشا (ماماندار مەن بىلىكتى جۇمىسشىلار) شەتەلدىك جۇمىس كۇشىن تارتۋعا كۆوتا 4,7 مىڭ ادامعا قىسقارتىلدى.
«جاڭا جۇمىس ورىندارىن قۇرۋ وڭىرلىك جۇمىسپەن قامتۋ كارتالارىن وزەكتەندىرۋ جانە اقپاراتتىق جۇيەنى تۇراقتى جاڭارتۋ ارقىلى باقىلانادى», دەپ تولىقتىردى سەرىك شاپكەنوۆ.
