«دامۋ» قورى ارقىلى قولداۋعا يە بولعان ميكرو, شاعىن جانە ورتا بيزنەستەگى كاسىپكەر ايەلدەردىڭ ورتاشا ستاتيستيكالىق پورترەتى مىناداي: ونىڭ جاسى 39-40-تا, جك اشقان, كوبىنەسە ساۋدا سالاسىندا كەمى 10 شاقتى ادامدى جۇمىسپەن قامتىپ وتىر. ءار ەكىنشى كاسىپكەر ايەل مەملەكەتتىك قولداۋدى ينۆەستيتسيا ءۇشىن پايدالانادى.
«دامۋ» قورى قولداۋ كورسەتكەن بارلىق جوبانىڭ ىشىندە 72,3 مىڭ جوبا نەمەسە 46%-دان استامى – ايەلدەردىڭ يدەياسىمەن جۇزەگە اسقان. بيزنەستەگى ارۋلارعا كورسەتىلگەن مەملەكەتتىك قولداۋدىڭ جالپى سوماسى 1,26 ملرد تەڭگەنى قۇرايدى. «دامۋ» قورى كاسىپكەرلىكتى قولدايتىن ۇلتتىق دامۋ ينستيتۋتى رەتىندە گەندەرلىك اسپەكتىگە كوپ كوڭىل بولەدى جانە ايەلدەردىڭ باستامالارىن قولداپ وتىرادى», دەيدى «دامۋ» كاسىپكەرلىكتى دامىتۋ قورى» اق باسقارما ءتورايىمى گاۋحار بۋريباەۆا.
«دامۋ» قورى نەگىزگى ءۇش قۇرال ارقىلى قولداۋ كورسەتەدى. ولار: ەكىنشى دەڭگەيلى بانكتەر ارقىلى جەڭىلدىكپەن نەسيە بەرۋ, سىياقى مولشەرلەمەسىنىڭ ءبىر بولىگىن سۋبسيديالاۋ جانە ميكرو, شاعىن جانە ورتا بيزنەس سۋبەكتىلەرىنىڭ نەسيە/ميكرونەسيەلەرى بويىنشا ءىشىنارا كەپىلدىك بەرۋ. وسى قۇرالداردىڭ ىشىندە جەڭىلدىكپەن نەسيەلەۋگە ايەل كاسىپكەرلەردەن سۇرانىس كوپ. جالپى نەسيە العانداردىڭ 58%-ى نەمەسە اقشالاي 322 ملرد تەڭگە وسى نازىك جانداردىڭ ۇلەسىندە. ايەلدەر كاسىپكەرلىگىنە مەملەكەتتىك قولداۋدىڭ باسىم بولىگى ەۋروپا قايتا قۇرۋ جانە دامۋ بانكىنىڭ «بيزنەستەگى ارۋلار» باعدارلاماسى, سونداي-اق ازيا دامۋ بانكىنەن تارتىلعان نەسيە جەلىلەرى ارقىلى جۇزەگە اسىرىلدى.
سىياقى مولشەرلەمەسىن سۋبسيديالاۋ سياقتى قۇرال بويىنشا جوبالار اراسىندا ايەلدەر كاسىپكەرلىگىنىڭ ۇلەسى 39%-دى قۇراسا, بۇل – 16,7 مىڭ جوبا. اقشالاي العاندا مەملەكەتتىك قولداۋ كولەمى 1,13 ملرد تەڭگەگە جەتتى.
اقتوبە وبلىسىندا پايىزدىق مولشەرلەمەنىڭ ءبىر بولىگىن سۋبسيديالاۋ سياقتى قۇرال ارقىلى 2021 جىلى مەملەكەت قولداۋ كورسەتكەن جوبالاردىڭ ءبىرى – ۇن جانە نان-توقاش ونىمدەرىن مۇزداتىپ ساتۋ ءوندىرىسى.
Shugar.kz جشس باسشىسى تاتيانا الەكساندروۆا اۋقىمدى ماركەتينگتىك زەرتتەۋ جۇرگىزىپ, ەكى جىل بويى ەۋروپا مەن رەسەيدەگى تاماق ونەركاسىبى وندىرۋشىلەرىنىڭ كورمەلەرىنە قاتىسقان. وسىلايشا, ول قازاقستاندا ءالى ەشكىم قولعا الا قويماعان بيزنەس ءتۇرىن تاپتى. كاسىپكەردىڭ ايتۋىنشا, ونىڭ بيزنەسى وتە وزەكتى. قازىر جۇرتتىڭ ءبارى جۇمىستا, ءۇي شارۋاسىنا كۇش تە, ۋاقىت تا قالمايدى. ونىڭ ونىمدەرىن پەشكە 15 مينۋتقا سالا قويسا بولعانى. جاڭا پىسكەن حوش ءيىستى نان, كرۋاسسان, ەت نەمەسە ءتاتتى سالىندىسى بار بورەكتەر دايىن.
«دامۋ» قورى كەپىلدىك بەرۋ سياقتى قۇرال بويىنشا 12,6 مىڭ جوباعا نەمەسە جالپى كەپىلدىك الۋشىلار سانىنىڭ 38%-ىنا قولداۋ كورسەتتى. وسى باعىتتاعى مەملەكەتتىك قولداۋ كولەمىن اقشالاي الساق – نەسيە سوماسى ملرد تەڭگە بولادى. ال بەرىلگەن كەپىلدىك مولشەرى 102 ملرد تەڭگەنى قۇرايدى.
قازاقستانداعى مونتەسسوري جەلىسىندەگى بالاباقشالار مەن مەكتەپتەردىڭ باس ديرەكتورى جانە قۇرىلتايشىسى رەگينا كاريباەۆا بيزنەستىڭ قازىرگى الەم تارتىسىندا قالاي توتەپ بەرە الاتىنىن جانە تۇراقتى دامۋعا ارۋلاردىڭ قالاي ۇلەس قوسا الاتىنىن ءوز ىسىمەن كورسەتكەن جان.
«مەملەكەتتىك قولداۋدىڭ ناتيجەسىندە ءبىزدىڭ بالاباقشالارىمىز مەن مەكتەپتەرىمىز بالالاردىڭ دامۋىنا ەڭ جاقسى جاعداي جاساي الادى», دەپ ەسەپتەيدى رەگينا كاريباەۆا.
ەلىمىزدە ميكرو, شاعىن جانە ورتا كاسىپكەرلىك سۋبەكتىلەرى يەلەرىنىڭ جالپى سانىنىڭ 43%-ىن ارۋلار قۇرايدى. ولاردىڭ باسىم بولىگى ءبىلىم بەرۋ, جىلجىمايتىن م ۇلىك, تاماقتاندىرۋ, ساۋدا جانە دەنساۋلىق ساقتاۋ سالاسىندا بيزنەستەرىن دوڭگەلەتىپ وتىر. ياعني ەڭ الدىمەن, ايەلدەر ءوز وتباسى مەن جاقىندارى ءۇشىن جايلى جاعداي جاساپ, ءومىرىن جاقسارتقىسى كەلەتىن سالالاردا بيزنەس اشۋعا بەيىم.
الماتى
