قازاقستان • 09 ناۋرىز، 2022

«ءولىم باردىڭ مالىن شاشادى...»

782 رەت كورسەتىلدى

مەملەكەت باسشىسى قاسىم-جومارت توقاەۆ 2020 جىلعى «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا ۇلتىمىزدىڭ جاڭا بولمىسىن قالىپتاستىرۋ مىندەتىن العا قويىپ: «جاڭعىرعان قوعام جات ادەتتەردەن بىرتىندەپ ارىلۋى كەرەك. ىسىراپشىلدىق پەن داڭعازالىق قوعامنىڭ دا، ادامنىڭ دا ابىرويىن توگەدى. جاۋاپسىزدىق، نەمقۇرايدىلىق بۇكىل ەلدى قاسىرەتكە ۇشىراتادى. ال بوس سوزدىلىك پەن بوسپەلىك، ماقتانشاقتىق قوعامنىڭ دامۋىن تەجەيدى. بۇل تۋرالى ۇلى اباي «وڭكەي جالعان ماقتانمەن، شىننىڭ بەتىن بويايدى» دەپ اشىق ايتقان. بۇل ماسەلە بۇگىنگى تاڭدا دا وزەكتى بولىپ وتىر»، دەگەن بولاتىن.

قازاقستان پرەزيدەنتى قاسىم-جومارت توقاەۆتىڭ ۇلتىمىزدىڭ بويىنداعى كەسەلدى كەمشىلىكتەردىڭ ىشىندە ەڭ الدىمەن ىسىراپشىلدىق پەن داڭعازالىققا نازار اۋدارۋى بەكەر ەمەس. سەبەبى تورقالى توي-تومالاق وتكىزۋدى ايتپاعاندا، توپىراقتى ءولىم جونەلتۋدىڭ ءوزى دە ءالى كۇنگە كوپ جەردە ءباز باياعىشا، استا-توك ىسىراپشىلدىقپەن، جالعان نامىسقا باسقان داڭعويلىقپەن اتقارىلىپ ءجۇر.

شىنتۋايتىندا، جاقىنىنان ايىرىلىپ، قارا جامىلىپ وتىرعان وتباسى تۋىس-تۋعاندارى، قۇدا-جەكجاتتارى، اۋىلداستارى، قىزمەتتەس جولداستارى، كورشى-قولاڭى، ياعني كەمىندە جۇزدەن اسا ادام جينالاتىن اسقا ادەتتە جىلقى سويادى. مۇندايدا كومەك قولىن سوزاتىن باقۋاتتى اعايىن تابىلا قويسا، جاقسى. ايتپەسە، قارىزدانىپ-قاۋعالانۋعا تۋرا كەلەدى. قازەكەمنىڭ ء«ولىم باردىڭ مالىن شاشادى، جوقتىڭ ارتىن اشادى» دەگەن ءسوزى وسىندايدا ايتىلسا كەرەك.

ال قامبار اتا ت ۇلىگىنىڭ باعاسى بىلتىرعى قىسقى سوعىم سويۋ ناۋقانى كەزىندە بۇرناعى جىلعىمەن سالىستىرعاندا ءارتۇرلى سەبەپپەن ەكى ەسەگە دەيىن قىمباتتاپ، 800 مىڭ – 1 ميلليون تەڭگەگە دەيىن شارىقتاعانىن ەسكەرسەك، قازىر كىسى جونەلتۋ قاراپايىم ادامدارعا بۇرىنعىدان دا قيىنعا سوعىپ، قينالتىپ وتىرعانى كۇمانسىز.

وسى ورايدا كەي وڭىردە دۇنيەدەن وزعان ادامدى اقتىق ساپارعا اتتاندىرۋ كەزىندە قارالى ۇيگە سالماق تۇسىرمەيتىن كونە دە يگى ءداستۇر كۇنى بۇگىنگە دەيىن جالعاسىپ كەلە جات­قانىن ايتقان ءجون. ماسەلەن، اقمولا وب­لىسىنىڭ زەرەندى اۋدانىنا قاراستى بىر­قاتار قازاق اۋىلىندا كىسى قايتقان ۇيگە الىس-جاقىننان كوڭىل ايتۋعا كەلەتىن ادام­داردى كورشىلەرى ءوزارا ءبولىسىپ الىپ، ۇي­لەرىنە شاقىرىپ، قوناق قىلادى. «كورشى اقى­سى – ءتاڭىر اقىسى» دەگەندەي، ولار اتا-بابا­لارىنان ميراس بولعان ساۋاپتى ىستەن ەل با­سىنداعى نەلەر قيىن كەزەڭدەردە دە باس تارتپاعان. 

وسىنى ەسكەرگەن كوكشەتاۋ قالالىق ارداگەرلەر كەڭەسى، جەرگىلىكتى مەشىت جانە «ەل بىرلىگى» قوعامدىق بىرلەستىگى بۇدان بەس جىلداي بۇرىن قالالى جەردە دە قىمبات ادامىنان ايىرىلعان ازالى وتباسىعا قوسىمشا اۋىرت­پاشىلىق تۇسىرمەۋ ماسەلەسىن اقىلدا­سا كەلىپ، كىسى جەرلەۋ راسىمىنەن كەيىن بەرىلە­تىن اس ءمازىرىن شەكتەۋ جونىندە شەشىم قابىلداپتى.

«مارقۇم بولعان كىسىنى و دۇنيەگە اتتان­دىرۋعا جينالعان قاۋىمعا داستارقانعا تەك ماي، باۋىرساق، نان جانە ازداپ كامپيت قويىپ، شاي بەرۋ جەتكىلىكتى دەپ شەشتىك»، دەيدى كوكشەتاۋ قالالىق ارداگەرلەر كەڭە­سىنىڭ توراعاسى شياپ اليەۆ. بۇل ەل ىشىن­دەگى مەيماناسى اسقان باي-باعلانداردى ايت­پاعاندا، ايلىعى شايلىعىنا ارەڭ جەتىپ جۇرگەن اعايىنداردىڭ كوڭىلىنەن شىققان باس­تاما بولعانى داۋسىز. تەك سوعان قالىڭ ەل بولىپ قولداۋ بىلدىرسەك، قانەكەي.

جۋىردا بۇقارالىق كوممۋنيكاتسيا قۇرالدارى قىرعىز رەسپۋبليكاسىنىڭ پرە­زيدەنتى سادىر جاپاروۆ جانازادا مال سويۋعا تىيىم سالعان جارلىققا قول قوي­عانىن حابارلادى. سەبەبى كورشىلەس ەلدەگى بايلار جاقىنىن سوڭعى ساپارعا شىعارىپ سالۋ ءۇشىن بەس-التى ءىرى قاراسىن سويۋعا دەيىن بارادى ەكەن. ال ولاردان قالعىسى كەلمەگەن كەدەيلەر جالعىز مالىن پىشاققا سالىپ، ونسىز دا وڭاي ەمەس جاعدايلارىن ءتىپتى قيىنداتا تۇسەتىن كورىنەدى.

«2019 جىلى ۇلىم قايتىس بولعاندا اس بەرۋگە مال سويۋدان باس تارتتىم. كوڭىل ايتۋعا كەلگەن 10 مىڭ ادامنىڭ ەشقايسىسى «مال سويمادىڭ» دەپ كىنالاعان جوق»، دەپ جازىپتى باۋىرلاس ەلدىڭ باسشىسى الەۋمەتتىك جەلىدە.

ءيا، بىزگە دە وسى وزەكتى ماسەلەنى كوپ بو­ل­ىپ كەڭەسىپ، ءبىر ۇيعارىمعا كەلۋ كەرەك شى­عار. قازىرگى قاۋىپ-قاتەرى ازايماي، جەر-جا­ھان­دى الاڭداتىپ تۇرعان الماعايىپ زامان­دا ىسىراپشىلدىقتى تىيماساق، حالىق­تىڭ جاعدايى ءتىپتى قيىنداي تۇسەرى انىق.

سوڭعى جاڭالىقتار

مۇز قۇرسانعان ەكىباستۇز

ايماقتار • بۇگىن، 21:12

ءۇمىت ساۋلەسى

ساياسات • بۇگىن، 21:11

ۇلت ساۋلىعى – ۇلى بايلىق

ساياسات • بۇگىن، 21:09

ءسابيدىڭ ءومىرىن ساقتاپ قالدى

ايماقتار • بۇگىن، 21:02

تۇرلەنگەن تەمەكىنىڭ ءبارى زيان

مەديتسينا • بۇگىن، 20:58

ساڭلاقتىڭ سوڭعى سامعاۋى

قازاقستان • بۇگىن، 20:50

كىتاپ كوكجيەگى كەڭەيىپ كەلەدى

رۋحانيات • بۇگىن، 20:41

«نەمىس ماشينەسى» جولدا قالدى

فۋتبول • بۇگىن، 20:36

ستۋدەنتتىك تەاتر فەستيۆالى

تەاتر • بۇگىن، 20:34

«كۇمبىرلە كۇيىم، ەلىمدە!»

ايماقتار • بۇگىن، 20:28

ۇقساس جاڭالىقتار