ەلدىڭ بىرقاتار ايماقتارىندا سەكتورداعى باعانىڭ ءوسۋى ەرەكشە بايقالدى. ماسەلەن, شىعىس قازاقستان وبلىسىندا اۆياتاسىمالداۋ قىزمەتتەرىنىڭ قۇنى ءبىر جىلدا بىردەن 45,7%-عا ءوستى. انتيليدەرلەر ۇشتىگىندە ماڭعىستاۋ (43,2%-عا) جانە تۇركىستان (34,8%-عا) وبلىستارى دا بار.
سونىمەن قاتار, اقمولا جانە سولتۇستىك قازاقستان وبلىستارىندا باعالار وزگەرگەن جوق, ال پاۆلودار جانە جامبىل وبلىستارىندا تيىسىنشە 14,2% جانە 22,2%-عا تومەندەدى.
وسى جىلدىڭ قاڭتار ايىندا اۆياكومپانيالاردىڭ كىرىستەرى 20,9 ملرد تەڭگەنى قۇرادى. كىرىستەردىڭ باسىم بولىگى, ياعني 20,4 ملرد تەڭگە ءداستۇرلى تۇردە جولاۋشىلار تاسىمالىنا تيەسىلى. جۇك تاسىمالداۋدان تۇسكەن تابىس 534,8 ملن تەڭگەنى, جۇرگىزۋشىمەن كولىك قۇرالدارىن جالعا بەرۋدەن تۇسكەن تابىس - 215 ملن تەڭگەنى قۇرادى.
سالىستىرىپ كورسەك, وتكەن جىلدىڭ ۇقساس كەزەڭىندە كىرىستەر 40,8%-عا, ياعني 19,6 ملرد تەڭگەگە دەيىن تومەندەدى.
2022 جىلدىڭ قاڭتار ايىنىڭ قورىتىندىسى بويىنشا قازاقستاندىق اۆياكومپانيالار 527 مىڭ ادامدى تاسىمالدادى - بۇل ءبىر جىل بۇرىنعىعا قاراعاندا 11%-عا از. جولاۋشىلار اينالىمى, كەرىسىنشە, جىلىنا 0,6% - عا, 850,9 ملن جكم-گە دەيىن ءبىرشاما ءوستى.
اۋە كولىگىمەن جۇك تاسىمالداۋ سالاسىندا ايتارلىقتاي تومەندەۋ بايقالدى. وسى جىلدىڭ قاڭتار ايىندا جۇك تاسىمالداۋ كولەمى ءبىر جىل بۇرىنعى ۇقساس كەزەڭگە قاراعاندا 53,2%-عا, 1,2 مىڭ تونناعا دەيىن قىسقاردى.
