ەكونوميكا • 09 ناۋرىز, 2022

ۇلتتىق بانك تەڭگە-دوللار ساۋداسىنىڭ رەگلامەنتىن وزگەرتتى

925 رەت
كورسەتىلدى
1 مين
وقۋ ءۇشىن

قازاقستان ۇلتتىق بانكى «قازاقستان قور بيرجاسى» اق-مەن بىرلەسىپ, 9 ناۋرىزدا «تەڭگە – اقش دوللارى» ۆاليۋتا جۇبى بويىنشا ساۋدا-ساتتىق رەگلامەنتىن وزگەرتۋ تۋرالى شەشىم قابىلدادى, دەپ حابارلايدى Egemen.kz ۇلتتىق بانككە سىلتەمە جاساپ.

ۇلتتىق بانك تەڭگە-دوللار ساۋداسىنىڭ رەگلامەنتىن وزگەرتتى

وعان سايكەس, «تەڭگە – اقش دوللارى» ۆاليۋتا جۇبى بويىنشا ساۋدا-ساتتىق 9 ناۋرىز كۇنى نۇر-سۇلتان قالاسىنىڭ ۋاقىتى بويىنشا ساعات 15:00-دە اشىلادى جانە فرانكفۋرت اۋكتسيونى فورماتىندا جۇرگىزىلەدى.

«بۇل شەشىم جوعارى قۇبىلمالىلىق اياسىندا ۆاليۋتا نارىعىنىڭ تۇراقسىزدانۋىنا جانە سىرتقى فاكتورلار تاراپىنان قىسىم جاساۋعا جول بەرمەۋ ماقساتىندا قابىلداندى.

«تەڭگە – اقش دوللارى» ۆاليۋتا جۇبى بويىنشا ساۋدا-ساتتىقتىڭ بۇدان بىلايعى رەجيمى تۋرالى اقپارات رەسمي بايلانىس جاساۋ ارنالارى ارقىلى ۋاقتىلى جەتكىزىلەتىن بولادى», دەلىنگەن ۇب اقپاراتىندا.

سوڭعى جاڭالىقتار