بيىلعى دوپ دوداسىندا بارلىعى 14 كوماندا باق سىنايدى. ولار ەكى اينالىم جۇيەسى بويىنشا شەبەرلىك بايقاسادى. العاشقى تۋر ويىندارى 5 جانە 6 ناۋرىز كۇندەرىنە بەلگىلەنگەن.
بۇگىن, 5 ناۋرىزدا بەس كوماندا ءوزارا كەزدەسەدى. دوپ دوداسىنىڭ شىمىلدىعىن ەلوردا ۋاقىتىمەن 15.00-دە «ورداباسى» (شىمكەنت) - «ماقتارال» (تۇركىستان وبلىسى), «استانا» (نۇر-سۇلتان) مەن «شاحتەر» (قاراعاندى) كوماندالارى ويىنىمەن اشىلادى.
ەلورداداعى ويىن «Qazsport» تەلەارناسىنان تىكەلەي ەفيردە كورسەتىلەدى. ودان كەيىن 16.00-دە «اتىراۋ» مەن «اقسۋ» (پاۆلودار وبلىسى), «كاسپي» (اقتاۋ) مەن «قىزىلجار» (پەتروپاۆل) كلۋبتارى جاسىل الاڭعا شىعادى.
سونداي-اق, 17.00-دە «تۇران» (تۇركىستان) مەن «تاراز» كوماندالارى شەبەرلىك بايقاسادى. اتالعان كەزدەسۋ «Qazsport» تەلەارناسىنان تىكەلەي ەفيردە كورسەتىلەدى. ال 6 ناۋرىزدا قالعان ەكى ويىن بولادى. الدىمەن 15.00-دە «قايرات» (الماتى) مەن «اقتوبە», 17.00-دە «توبىل» (قوستاناي) مەن «اقجايىق» (ورال) كوماندالارى وينايدى.
بۇل كۇنگى ەكى ويىن دا «Qazsport» تەلەارناسىنان تىكەلەي ەفيردە كورسەتىلەدى.
