پرەزيدەنت • 04 ناۋرىز، 2022

پرەزيدەنت «بايتەرەك» حولدينگىنىڭ باسقارما توراعاسىن قابىلدادى

102 رەت كورسەتىلدى

مەملەكەت باسشىسىنا حولدينگتىڭ بىلتىرعى اتقارعان جۇمىستارى مەن الداعى كەزەڭگە ارنالعان جوسپارى تۋرالى اقپارات بەرىلدى، دەپ حابارلايدى Egemen.kz اقورداعا سىلتەمە جاساپ.

قانات شارلاپاەۆتىڭ ايتۋىنشا، 2021 جىلى 37 ءىرى جوباعا 533،2 ميلليارد تەڭگە كولەمىندە قولداۋ كورسەتىلگەن جانە 7 جوبا ىسكە قوسىلعان. 57،4 مىڭ شاعىن جانە ورتا بيزنەس سۋبەكتىسىنە 2،2 تريلليون تەڭگە كولەمىندە قارجىلاي كومەك بەرىلگەن. سونىمەن قاتار وتاندىق تاۋار ەكسپورتتاۋشىلاردى قولداۋ ءۇشىن 236،8 ميلليارد تەڭگە بولىنگەن.

پرەزيدەنتكە ۇسىنىلعان مالىمەتتەرگە سايكەس اگروونەركاسىپ كەشەنىن دامىتۋ باعدارلاماسى اياسىندا جالپى قۇنى 464،2 ميلليارد تەڭگە بولاتىن 26 مىڭنان استام قارىز بەرىلگەن.

قاسىم-جومارت توقاەۆقا 2021 جىلى 130 مىڭعا جۋىق وتباسىنىڭ باسپانا ساتىپ العانى نەمەسە تۇرعىن ءۇي جاعدايلارىن جاقسارتقانى جونىندە باياندالدى. سونىمەن قاتار بيىلعى 1 قاڭتارداعى مالىمەت بويىنشا 458 مىڭ سالىمشى 1،97 تريلليون تەڭگەدەن استام قارجى كولەمىندە بىرجولعى زەينەتاقى تولەمدەرىن پايدالانعان.

قانات شارلاپاەۆ مەملەكەت باسشىسىنىڭ «قازاقستان دامۋ بانكى» اكتسيونەرلىك قوعامىن رەفورمالاۋ جانە ونىڭ مەنەدجمەنت قۇرامىن وزگەرتۋ جونىندە بەرگەن تاپسىرمالارىنىڭ جۇزەگە اسىرىلۋى تۋرالى ەگجەي-تەگجەيلى باياندادى.

بۇدان بولەك قاسىم-جومارت توقاەۆقا ميكرو جانە شاعىن كاسىپكەرلىكتى دامىتۋ، حالىقتىڭ الەۋمەتتىك جاعدايى تومەن توپتارى ءۇشىن پاتەر جالداۋ اقىسىنىڭ ءبىر بولىگىن سۋبسيديالاۋ تەتىگىن ەنگىزۋ جونىندەگى حولدينگتىڭ بيىلعى جىلعا ارنالعان جوسپارى تۋرالى مالىمەت بەرىلدى. كەزدەسۋ بارىسىندا جۇمىس ورىندارىن اشۋعا باعىتتالعان مەملەكەتتىك قولداۋ شارالارىن كەڭەيتۋ ماسەلەسى دە تالقىلاندى.

سوڭعى جاڭالىقتار

ۇقساس جاڭالىقتار