مەن قاشاندا پرەزيدەنتتىڭ ۇندەۋلەرىن, جولداۋلارىن مۇقيات تىڭداپ, وقىپ, ال قابىلداعان شەشىمدەرىن ويىمدا تارازىلاپ جۇرەمىن. ويتكەنى مەملەكەت باسشىسىنىڭ سوزدەرى, بەرگەن تاپسىرمالارى ەلىمىزدىڭ بۇگىنى مەن بولاشاعىنا تىكەلەي بايلانىستى.
كۇنى كەشە ەلىمىزدەگى جەتەكشى پارتيانىڭ كەزەكتەن تىس سەزى ءوتىپ, وندا بىرقاتار ماسەلە قوزعالدى. وسى سەزدە ساياسي پارتيانىڭ اتى وزگەرىپ, ول Amanat دەگەن ءمان-ماعىناسى تەرەڭ اتاۋدى يەلەندى. بۇل ءوز كەزەگىندە پارتيانىڭ اتىمەن قوسا زاتى دا وزگەرەتىنىن, تىڭ باعىتتا, ۋاقىت تالابىنا ساي جۇمىس ىستەۋگە بەتبۇرىس جاساۋعا كىرىسكەنىن بىلدىرسە كەرەك. ويتكەنى نەنىڭ بولسا دا اتىنا زاتى ساي بولعانى ابزال عوي.
حالىق Amanat-تان ۇلكەن ناتيجە كۇتەدى. ەل-جۇرت اتالعان پارتيا ءوزىنىڭ بەلسەندىلىگىن ارتتىرا وتىرىپ, بيلىك پەن حالىق اراسىن بايلانىستىرۋشى التىن كوپىر, قوعامدىق ۇنقاتىسۋ الاڭى بولعانىن قالايدى.
ەڭ الدىمەن كادر ساياساتىن اتاپ وتپەسكە بولماس. ساياسي ۇيىمنىڭ اتقارۋشى حاتشىسى اسحات ورالوۆتىڭ ۇيىمداستىرۋىمەن, پرەزيدەنتتىڭ قاتىسۋىمەن وتكەن سەزدە ۇيىمنىڭ باسشىلىق قۇرامى پارتيانى قايتا قۇرۋ تۋرالى ۇسىنىستاردى ءوز دەڭگەيىندە دايىندادى. بۇل ۇسىنىستاردى پرەزيدەنت, پارتيا توراعاسى قاسىم-جومارت توقاەۆ تا, پارتيانىڭ جوعارعى ورگانى – سەزدە قولدادى.
ءبىز قازىر پارتيانىڭ الدىندا اۋقىمدى مىندەتتەر تۇرعانىن تۇسىنەمىز. ۇيىم ءوزىنىڭ مويىنىنا ۇلكەن جاۋاپكەرشىلىك العانىن سەزىنە وتىرىپ, حالىقتىڭ سەنىمىنەن شىعادى ءارى باتىل جانە ساۋاتتى قادامدارىمەن جاس ۇرپاققا دۇرىس جول كورسەتەدى دەپ ويلايمىن.
القالى جيىندا بەلگىلى بولعانداي, پارتيا جانىنداعى قوعامدىق كەڭەستەردىڭ سانىن قىسقارتۋ شەشىمى دە كوپتىڭ كوڭىلىنەن شىقتى. بۇل كۇشتەردى جۇمىلدىرۋ جانە جاۋاپكەرشىلىك ايماقتارىن ءبولۋدى بىلدىرەدى.
ءوزىم ەكى رەسپۋبليكالىق كەڭەستىڭ مۇشەسىمىن. بۇل باستامانى تولىق قولدايمىن. قىسقارتىلعان قۇراممەن دە جاقسى كورسەتكىشتەرگە, ناتيجەلەرگە جەتۋگە ابدەن بولادى.
باستاۋىش پارتيا ۇيىمدارىنىڭ جۇمىسىن قايتا ۇيىمداستىرۋ ماسەلەسىنە توقتالساق, جارنالاردىڭ 20 پايىزى تىكەلەي باستاۋىش ۇيىمدارعا قايتارىلاتىن بولادى, بۇل پارتيالىقتاردىڭ جاۋاپكەرشىلىگى مەن قاتىسۋىن, سونداي-اق جوبالاردى ىسكە اسىرۋ دەڭگەيىن ارتتىرادى.
جيىندا ايتىلعان ۇسىنىستاردىڭ ءبىرى – ءموبيلدى قوسىمشا تۋرالى بولدى. ناقتىلاي ايتقاندا, Talqylau جاڭا ديالوگ الاڭى, سونداي-اق پارتيالىق ءباسپاسوز ورتالىعى حالىقپەن كوممۋنيكاتسيا جانە كەرى بايلانىس ارنالارىن ىسكە قوسادى, بۇل بۇگىنگى كۇنى ءبىرىنشى كەزەكتەگى باسىمدىق بەرىلۋى ءتيىس باعىت.
باعدارلامانىڭ ينديكاتورلارى مەن بولىمدەرىن ناقتى پارتيالىقتارعا بەكىتۋ بىزگە تاعى دا اركىمنىڭ دەربەس جاۋاپكەرشىلىگى ءرولىنىڭ ارتۋىن كورسەتەدى.
بىرقاتار جاڭا پارتيالىق جوبا, سونداي-اق پارتيانىڭ جاستار قاناتىنىڭ جاڭا جوبالارى تۋرالى دا ءسوز بولدى. بۇل تۋرالى ايتۋعا ءالى ەرتە. ويتكەنى جۇمىستى باستاۋعا جانە العاشقى ناتيجەلەرگە قول جەتكىزۋگە مۇمكىندىك بەرۋ كەرەك.
باعىتتاردىڭ وزەكتىلىگى جانە وسى جوبالار شەڭبەرىندەگى تۇيتكىلدى ماسەلەلەردى قامتۋ جاڭا تاسىلدەردى قاجەت ەتەدى. وسى رەتتە پرەزيدەنتتىڭ قاتىسۋىمەن جاستار قاناتى فورۋمىنىڭ ۇيىمداستىرىلعانىن كۇتەمىز. مەملەكەت باسشىسى جاستار فورۋمىنا ارنايى قاتىسسا دەگەن تىلەك بار. مەنىڭ ويىمشا, مەملەكەت باسشىسى پاتريوت جاستاردى شابىتتاندىرىپ, بولاشاققا دۇرىس باعىت بەرەدى.
جالپى, پارتيا جۇمىسى ودان ءارى جاندانادى دەگەن سەنىم مول. ءبىز جۇمىس ىستەۋگە, وزگەرۋگە دايىن ەكەنىمىزدى ايتقىم كەلەدى. ءبىر-بىرىمىزگە قولداۋ كورسەتىپ, ءوزارا سەنىم ءبىلدىرۋ دە ماڭىزدى ەكەنىن ۇمىتپايىق.
ايسۇلۋ ەرنيازوۆا,
«قازاقستان ەرىكتىلەر ليگاسى» قق جەتەكشىسى
