بىرىنشىدەن, اتا-بابالار اماناتى. تاريح تۋىن كوتەرىپ, ۇلان-عايىر اتامەكەنىمىزدى, سۇڭعىلا سالت-ءداستۇرىمىزدى, توگىلگەن ءتىلىمىزدى, تازا ءدىنىمىزدى امانات ەتكەن بابالار الدىنداعى امانات. ەكىنشىدەن, ۇلكەن جاۋاپكەرشىلىك. اتا-بابالار اماناتىن وسىناۋ ۇلان-عايىر رۋحاني بايلىقتى توكپەي-شاشپاي كەلەر ۇرپاققا ۇسىنۋ, ولاردىڭ جادىنا ءسىڭىرۋ جاۋاپكەرشىلىگى. وسى ەكى ۇلكەن جاۋاپكەرشىلىك Amanat پارتياسىنىڭ يىعىنا تۇسكەن اۋىر جۇك بولماق. قازاق دەگەن حالىقتىڭ وتكەنى مەن كەلەشەگى ءۇشىن بۇگىن كوتەرەر جۇك بولماق. وسىنداي جۇك كوتەرىپتى بيلىك پارتياسى. اۋىر جۇك. وسى جۇكتى كوتەرە السا, جەمقورلىق دەگەن دەرتتى جەڭە السا, قازاقستان ءۇشىن «تۇندە ۇيىقتاماي, كۇندىز وتىرماي» تەر توگە بىلسە پارتيا جاڭا قازاقستاندى قۇرۋعا جاڭا قادام جاساي الادى دەيمىز. ولاي بولماسا, جاعدايى تىم قيىن بولماق. وسى قيىندىقتاردى جەڭىپ شىققاي, دەگەن تىلەك بىلدىرەمىز. پارتيانىڭ اتى عانا ەمەس, زاتى جاڭارعاي دەپ تىلەيمىز!
سماعۇل ەلۋباي,
جازۋشى
