قازاقستاندىق ديپلوماتتار جوعارىدا اتالعان مەملەكەتتەردىڭ شەكاراسىنان ءوتۋدى, ازاماتتاردى جيناۋدى جانە قازاقستانعا ودان ءارى جەتۋدى قامتاماسىز ەتەدى.
Air Astana اۋەكومپانياسىنىڭ ەكى ەۆاكۋاتسيالىق ۇشاعى 299 ادامدى شىعارىپ ۇلگەردى, ولار كاتوۆيتسە قالاسىنان (پولشا) الماتى مەن نۇر-سۇلتان قالالارىنا جەتتى.
سونىمەن قاتار 3 ناۋرىزدا ءۇشىنشى ەۆاكۋاتسيالىق ۇشاقتى جىبەرۋ پىسىقتالۋدا.
قازىرگى ۋاقىتتا كاتوۆيتسە قالاسىندا 68 قر ازاماتى ەلگە ورالاتىن ۋاقىتتى كۇتىپ وتىر.
بۇعان دەيىن شەكارانى وتكەن بىرقاتار ازاماتتار ەو اۋماعىندا قالۋعا شەشىم قابىلدادى. سونىمەن قاتار, ازاماتتارىمىزدى ۋكراين-پولياك شەكاراسىنا جەتكىزۋ ءۇشىن كيەۆتەن 57 ادامعا جانە لۆوۆتان 41 ادامعا ساپار ۇيىمداستىرىلدى.
«اتامەكەن» ۇكپ بەرگەن اقپاراتىنا سايكەس, ۋكرايناداعى اسكەري شيەلەنىس باستالعاننان كەيىن ەل اۋماعىندا 47 جۇرگىزۋشى – قر ازاماتتارى جانە 8 جۇرگىزۋشى – شەت مەملەكەت ازاماتتارى بار جالپى 55 اۆتوكولىك قالدى.
قازىرگى تاڭدا قازاقستاندىق ديپلوماتتاردىڭ كومەگىمەن 55 اۆتوكولىك قۇرالدارىنىڭ ىشىنەن جۇرگىزۋشىلەرمەن بىرگە 13 اۆتوكولىك ۋكراين-رەسەيلىك شەكاراسى ارقىلى رەسەي اۋماعىنا, 8 اۆتوكولىك مولدوۆاعا جانە 3 اۆتوكولىك پولشاعا شىعۋعا قولعابىس كورسەتىلدى. قولدا بار دەرەكتەر بويىنشا, قازاقستاندىق تاسىمالداۋشىلاردىڭ 31 اۆتوكولىك قۇرالى ۋكراينا اۋماعىندا قالدى. ازاماتتاردىڭ جانە جۇك تاسىمالداۋشىلاردىڭ ورنالاسقان جەرىنە بايلانىستى قر رەسەيدەگى, بەلارۋستەگى, پولشاداعى, سلوۆاكياداعى, ماجارستانداعى, رۋمىنياداعى جانە مولدوۆاداعى شەتەلدىك مەكەمەلەرى ولارمەن تۇراقتى بايلانىستا جانە بولۋ ەلىنىڭ بيلىگىمەن بۇل اۋماقتار ارقىلى ەۆاكۋاتسيالاۋدى پىسىقتاۋدا, سونداي-اق نەعۇرلىم قاۋىپسىز ەۆاكۋاتسيالىق جولداردى ۇسىنۋدا.
