سونىمەن قاتار وتىرىستا دەپۋتاتتار ارناۋلى مەملەكەتتىك ورگانداردىڭ قىزمەتكەرلەرى مەن اسكەري قىزمەتشىلەردى الەۋمەتتىك قورعاۋ جانە ولاردىڭ اسكەري قىزمەتتى وتكەرۋگە قاتىستى كەيبىر ماسەلەلەرىن رەتتەيتىن زاڭ جوباسىن قارادى.
بۇل قۇجات تۇرعىن ءۇي تولەمدەرىنىڭ ءتارتىبىن جەتىلدىرۋدى جانە ارناۋلى مەملەكەتتىك ورگانداردىڭ قىزمەتكەرلەرى مەن اسكەري قىزمەتشىلەردى, ال ولار قازا تاپقان جاعدايدا – ولاردىڭ وتباسى مۇشەلەرىن تۇرعىنجايمەن قامتاماسىز ەتۋدى كوزدەيدى. جاڭا نورمالارعا سايكەس ەندى مۇگەدەكتىگى بار بالا اسىراپ وتىرعان, ونىڭ ىشىندە وتباسىندا جاسىنا قاراماستان بالا كۇنىنەن مۇگەدەكتىگى بار ادامدار بار ارناۋلى مەملەكەتتىك ورگانداردىڭ قىزمەتكەرلەرى مەن اسكەري قىزمەتشىلەرگە وزدەرى تۇرىپ جاتقان قىزمەتتىك باسپانانى وتەۋسىز الۋ قۇقىعى بەرىلەدى. وسى زاڭ جوباسىن قابىلداۋ ارناۋلى مەملەكەتتىك ورگانداردىڭ قىزمەتكەرلەرى مەن اسكەري قىزمەتشىلەردى, ولار قازا تاپقان جاعدايدا – ولاردىڭ وتباسى مۇشەلەرىن الەۋمەتتىك قورعاۋدى جاقسارتۋعا جول اشادى.
سونىمەن قاتار زاڭ جوباسىندا قىزمەتتىك ادەپتەن اينىماۋ, اسكەري م ۇلىكتى ساقتاۋ جانە تاعى باسقا باعىتتار بويىنشا اسكەري قىزمەتشىنىڭ مىندەتتەرى تولىقتىرىلعان. زاڭ جوباسى ارقىلى ازاماتتاردى اسكەري-پاتريوتتىق تاربيەلەۋدى ايقىنداۋ ءتارتىبى ۇكىمەتكە جۇكتەلەدى. وسى جانە باسقا دا نورمالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسكەري قىزمەت جانە ارناۋلى مەملەكەتتىك ورگاندار قىزمەتكەرلەرى مەن اسكەري قىزمەتشىلەردىڭ تۇرعىن ءۇي قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا جازىلعان.
«اسكەري قىزمەتشىلەردىڭ جانە ارناۋلى مەملەكەتتىك ورگاندار قىزمەتكەرلەرىنىڭ جۇمىستارى اسا جاۋاپتى ەكەنى بەلگىلى. سول سەبەپتى ولاردى جانە ولاردىڭ وتباسى مۇشەلەرىن قۇقىقتىق, ماتەريالدىق جانە الەۋمەتتىك قورعاۋ – مەملەكەتتىڭ ماڭىزدى مىندەتتەرىنىڭ ءبىرى. سوندىقتان قارالعان زاڭ جوباسى اسكەري قىزمەتشىلەردىڭ تۇرعىن ءۇي قاتىناستارى سالاسىنداعى قۇقىقتارىن قوسىمشا رەتتەۋدى كوزدەيدى. سونداي-اق اسكەري جانە ارناۋلى مەملەكەتتىك ورگاندار قىزمەتىنىڭ وتكەرۋ ءتارتىبىن جەتىلدىرۋ ماسەلەلەرى دە قامتىلعان», دەدى ماۋلەن اشىمباەۆ.
زاڭ جوباسىن قاراۋ بارىسىندا سەناتورلار ۇسىنىلعان وزگەرىستەردى قولدادى. سونداي-اق قۇجاتقا اسكەري قىزمەتشىلەردىڭ قۇقىقتارىن رەتتەۋ ماسەلەلەرىنە قاتىستى كەشەندى تاسىلدەردى قامتاماسىز ەتۋگە ارنالعان بىرقاتار تۇزەتۋلەر ەنگىزىلدى. سوعان بايلانىستى زاڭ جوباسىن ماجىلىسكە قايتارۋ تۋرالى شەشىم قابىلداندى.
وتىرىس كەزىندە سەناتورلار وزدەرىنىڭ دەپۋتاتتىق ساۋالدارىن دا جولدادى.
بەيبىت يساباەۆ جۇمىسسىزدىق ماسەلەسىن ءتيىمدى شەشۋ ءۇشىن ەلىمىزدە قالىپتاسقان ەڭبەك نارىعىنا تەرەڭ ءارى جان-جاقتى تالداۋ جۇرگىزۋدى ۇسىندى.
مۇرات باقتيار ۇلى ازاماتتىق جوعارى وقۋ ورىندارى جانىنداعى اسكەري كافەدرالاردىڭ قۇرامى مەن قۇرىلىمىن وڭتايلاندىرۋ جانە حالىقارالىق تاجىريبەنى زەردەلەي وتىرىپ, وسىنداي اسكەري دايارلىق جۇيەسىن جەتىلدىرۋ ماسەلەسىن كوتەردى.
ءلاززات سۇلەيمەن «ديپلوممەن – اۋىلعا» باعدارلاماسىن ىسكە اسىرۋ تەتىكتەرىن قايتا قاراۋدى جانە ونىڭ اياسىن كەڭەيتۋدى ەسكەرە وتىرىپ, جوبانى ءارى قاراي جەتىلدىرۋدىڭ ماڭىزدى ەكەنىن ەكەنىن ايتتى.
نۇرتورە ءجۇسىپ 2023 جىلى بەيبارىس سۇلتاننىڭ تۋعانىنا 800 جىل تولاتىنىنا نازار اۋدارىپ, بۇل مەرەيتويدى حالىقارالىق دەڭگەيدە اتاپ ءوتۋ ءۇشىن بيۋدجەتتەن قارجى ءبولۋ ماسەلەسىنە توقتالىپ ءوتتى.
بەكبولات ورىنبەكوۆ جامبىل وبلىسىندا ايماقتاعى سۋ تاپشىلىعىن ازايتىپ, ازىق-ت ۇلىك قاۋىپسىزدىگىن قامتاماسىز ەتۋگە ىقپال ەتەتىن 3 جاڭا سۋ قويماسىن سالۋ جوبالارىن قارجىلاندىرۋ ماسەلەسىن ءسوز ەتتى.
