بۇل اۋىلدا قازاقپەن بىرگە وزگە ەتنوستىڭ وكىلدەرى دە تۇرادى. ونىڭ ىشىندە 1937 جىلى قازاقستانعا كۇشتەپ كوشىرىلگەن كورەيلەر دە بار. كورەيلەر جەرگىلىكتى تۇرعىندارمەن قىز الىسىپ, قىز بەرىسكەن قۇداندالى بولىپ وتىر.
بۇدان بەس جىل بۇرىن «تحونيل» كورەي ەتنو-مادەني بىرلەستىگى بەيبارىس اۋىلىندا «قازاق حالقىنا مىڭ العىس!» ءسوزى جازىلعان ەسكەرتكىش ورناتقان ەدى. بىرلەستىك جەتەكشىسى ليۋدميلا ءليدىڭ ايتۋىنشا, بۇل ەسكەرتكىش – قيىن كەزەڭدە جاتسىنباي, باۋىرىنا باسقان قازاق حالقىنا شەكسىز ريزاشىلىقتىڭ بەلگىسى.
– كورەيلەر قازاق جەرىندە ءوسىپ-ءونىپ جاتىر. قازىر اتىراۋ وبلىسىندا 3 مىڭعا جۋىق كورەي ەتنوسىنىڭ وكىلى تۇرادى. «تحونيل» ەتنو-مادەني بىرلەستىگىن قۇرىپ, ءتىلىمىز بەن سالت-ءداستۇرىمىزدى جاڭعىرتىپ كەلەمىز. بىرلەستىك مۇشەلەرى وڭىردەگى مادەني-كوپشىلىك ءىس-شارالارعا بەلسەندى قاتىسىپ ءجۇر, – دەيدى ليۋدميلا لي.
اتىراۋ وبلىسى
