ساياسي الاڭنىڭ بۇگىنگى كۇنگى ەڭ باستى كريتەريى بۇل – زامان تالابىنا ساي قوعام تالاپتارىن ەسكەرۋ. ءاربىر ساياسي ينستيتۋت, اسىرەسە حالىق مۇددەسىن نەگىزگە الاتىن ساياسي پارتيالار وزگەرىستەرگە بەيىم بولۋى كەرەك.
ساياسي پارتيا تەورياسىنا سايكەس پارتيانىڭ سىرتقى جانە ىشكى قىزمەتتەرى بار. ىشكى قىزمەتتەرى پارتيانىڭ قۇرىلىمى مەن قارجىلاندىرىلۋىنا قاتىستى. ال سىرتقى قىزمەتى حالىقپەن قارىم-قاتىناس ورناتىپ, ول مۇددەلەردى نەگىزگە الا وتىرىپ, بيلىككە ۇمتىلۋعا باعىتتالعان. سوندىقتان كەز كەلگەن ساياسي پارتيانىڭ باستى كۇشى – حالىق. پارتيانىڭ بار بولۋى دا حالىققا بايلانىستى. حالىقتىڭ مۇڭ-مۇقتاجىن جەتكىزۋ – پارتيانىڭ باستى ماقساتى.
پارتيا ۇسىنعان مودەرنيزاتسيا جوسپارىنا ساي, حالىق ءۇنىن ەستۋگە جانە ونى بيلىك ينستيتۋتتارىنا جەتكىزۋ قىزمەتىن ءبىرىنشى كەزەككە قويىپ وتىر. اتاپ ايتار بولساق, كەرى بايلانىس جاساۋ قۇرالدارىنىڭ تيىمدىلىگىن ارتتىرۋ, شەت ايماقتارعا پارتيالىق قابىلداۋ الاڭدارىنىڭ شىعۋى, قوعامداعى احۋالدى باعالاۋ ءۇشىن قۇرىلعان «الەۋمەت» جوباسى, ازاماتتاردىڭ ۇسىنىستارىنىڭ ونلاين فورماتتا باقىلاي الۋىن ەنگىزۋ قولعا الىنباق.
پارتيانىڭ اۋديتورياسى كەڭ, مۇشەلەرى كوپ, ەلەكتوراتى بار. پارتيا وسى اۋديتوريانىڭ وي-پىكىرىن جيناپ, ماسەلەلەردى سارالاپ, وكىلەتتى كانالدارى ارقىلى شەشۋگە باعىتتالعان جۇمىستى تۇراقتى نەگىزگە قوياتىن بولسا, قوعامداعى «ىستىق نۇكتەلەردى» ازايتا الادى.
ينديرا رىستينا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى
