سۋرەتتى تۇسىرگەندەر ا.دۇيسەنباەۆ, ع.ومىربەكوۆ
سوندىقتان پارتيانىڭ قالاي وزگەرەتىنى تۋرالى كوپ ايتىلدى. بىراق ءبىرىنشى كەزەكتە, مەنىڭ ويىمشا, پارتيا «از بولسا دا ناتيجەلى وزگەرۋ» قاعيداتى بويىنشا وزگەرۋدە. بارلىق بيۋروكراتيالىق اپپارات ازايادى, كەڭەستەردىڭ بارلىق ءتۇرىنىڭ سانى قىسقارادى. ونىڭ ورنىنا اركىمنىڭ جەكە جاۋاپكەرشىلىگى, اسىرەسە باسقارۋشى قۇرامنىڭ, سونىڭ ىشىندە ءوز باعىتى بار بيۋرو مۇشەلەرىنىڭ جاۋاپكەرشىلىگى ارتپاق.بارلىق دەڭگەيدە باسشىلىق قۇرام پارتيا قىزمەتىندەگى ناقتى شارالار مەن باعىتتار ءۇشىن جاۋاپ بەرەتىن بولادى.
ەكىنشىدەن, باستاۋىش پارتيا ۇيىمدارىنىڭ دەربەس بولۋىنا جانە ناقتى ىستەر اتقارۋىنا مۇمكىندىك تۋدى. ياعني بۇرىن بارلىق پارتيالىق ۇياشىق جارنالاردى پارتيا اپپاراتىنا جىبەرەتىن بولسا, ەندى بۇل جارنالاردىڭ 20%-ى پارتيالىق ۇياشىقتارعا قايتارىلادى. سول قاراجاتتى ولار باسقارا الادى جانە ءوز دەڭگەيىندەگى ناقتى ءبىر قىزمەتتى جۇزەگە اسىرا الادى. مۇنىڭ ءبارى ءبىرىنشى كەزەكتە ورىن العان الشاقتىقتى جويۋ نەمەسە پارتيانىڭ قازاقستان حالقىنان الىستاپ كەتكەنىن رەتتەۋ ماقساتىندا جاسالۋدا. ول ءۇشىن ءتۇرلى الاڭدار ۇيىمداستىرىلادى. ەڭ باستىسى, پارتيا مۇشەلەرى, پارتيا باسشىلىعى ءبىرىنشى كەزەكتە حالىقپەن تىكەلەي جۇمىس ىستەيتىن بولادى.
مەنىڭ ويىمشا, تاعى ءبىر ماڭىزدى جانە زاماناۋي ۇسىنىس – قانداي ماسەلەلەر ءجيى كەزدەسەتىنىن, قايسىسى ەڭ وزەكتى ەكەنىن باعالاۋ ءۇشىن BIG DATA قولدانۋ. پارتيا ءدال وسى ماسەلەلەردى شەشۋى ءتيىس.
ءلاززات قالتاەۆا,
سەنات دەپۋتاتى
