«حالىقتىڭ ۇكىمەت مۇشەلەرى مەن اكىمدەرگە دەگەن سەنىم ماسەلەسىن كوتەرۋ كەرەك. بارلىق دەڭگەيدەگى پارتيا دەپۋتاتتارىنىڭ رەيتينگتەرى, ەڭ الدىمەن, دايىندالعان ەسەپتەرگە ەمەس, ناقتى ىستەرگە, ازاماتتاردىڭ ماسەلەلەرىن شەشۋگە نەگىزدەلۋى ءتيىس», دەدى قاسىم-جومارت توقاەۆ «امانات» پارتياسىنىڭ XXII سەزىندە.
پرەزيدەنتتىڭ ايتۋىنشا, بارلىق سايلاۋ توپتارىنا ولاردىڭ جاۋاپكەرشىلىك اياسىن كەڭەيتۋ ءۇشىن فراكتسيا دەپۋتاتتارىنىڭ اراسىنان كۋراتورلاردى بەكىتۋ قاجەت.
«جاقىندا ءماجىلىس دەپۋتاتتارى وڭىرلەردى ارالاپ كەلدى. مەن بۇل جۇمىستى باقىلاپ وتىردىم, ولاردىڭ جۇمىسىندا جاڭا ستيل, جاڭا مازمۇن پايدا بولا باستادى, بۇل قازىردىڭ وزىندە كورىنىپ تۇر. رەسمي وتىرىستار از بولدى, سايلاۋشىلارمەن تىكەلەي بايلانىس كوپ بولدى. دەپۋتاتتار جەرگىلىكتى جەرلەردەگى ازاماتتاردىڭ ناقتى ماسەلەلەرىنە ەنە باستادى. مۇنداي ءتاسىلدى بارىنشا نىعايتىپ, دامىتۋ قاجەت», دەپ تۇيىندەدى مەملەكەت باسشىسى.
