«راسىندا «شالكە 04» فۋتبول كلۋبىنىڭ ديرەكتورلار كەڭەسى باقىلاۋ كەڭەسىنىڭ ماقۇلداۋىمەن «گازپروم» كومپانياسىمەن سەرىكتەستىكتى مەرزىمىنەن بۇرىن توقتاتۋ تۋرالى شەشىم قابىلدادى. اتقارۋشى كەڭەس پەن باقىلاۋ كەڭەسى باس دەمەۋشىنىڭ وكىلدەرىمەن كەلىسسوز جۇرگىزەدى جانە قوسىمشا اقپارات بەلگىلەنگەن تارتىپپەن جاريالانادى», دەلىنگەن كلۋب تاراتقان رەسمي حابارلامادا.
جالپى «گازپروم» 2007 جىلدان باستاپ نەمىس كومانداسىنىڭ دەمەۋشىسى بولدى. سەرىكتەستىك قارىم-قاتىناس ورناتۋدىڭ ارقاسىندا «گازپروم» لوگوتيپى كلۋبتىڭ سپورتتىق فورماسىنىڭ الدىڭعى جاعىنا ورنالاستىرىلعان ەدى. بۇعان دەيىن «شالكە 04» فۋتبول كلۋبى كومپانيانىڭ لوگوتيپىن ءوز فورماسىنان الىپ تاستايتىنىن حابارلاعان بولاتىن.
