«مەملەكەت باسشىسىنىڭ ىشكى ىستەر مينيسترلىگىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ازىرلەۋ تاپسىرماسى نەگىزىندە «كىلەمدى جابىن» جوباسى قولعا الىندى. بۇل وڭىرلىك جەدەل باسقارۋ ورتالىقتارىنىڭ بەينەباقىلاۋ جۇيەسىنە بوگدە بەينەكامەرالاردى ينتەگراتسيالاۋعا باعىتتالعان. قازىر ەلىمىز بويىنشا ءارتۇرلى مەنشىك نىسانىنداعى 687 مىڭنان استام بەينەباقىلاۋ كامەراسى بار. ولاردىڭ 145 مىڭعا جۋىعى اۋماقتىق بولىمشەلەردىڭ جەدەل باسقارۋ ورتالىقتارىنا ەنگىزىلگەن», دەدى ءىىم وكىلى ونلاين بريفينگىدە.
سونداي-اق ول سالانى تسيفرلاندىرۋ اياسىندا «جاپپاي بەينەباقىلاۋ» جانە «تسيفرلىق پوليتسەي» جوبالارى قولعا الىنعانىن جەتكىزدى.
«قازىر پوليتسيانىڭ قىزمەتتىك كابينەتتەرى مەن ارنايى مەكەمەلەردە 18 مىڭنان استام بەينەكامەرا ورناتىلعان. «تسيفرلىق پوليتسەي» - پوليتسيا قىزمەتكەرلەرىن وقيعالاردى ونلاين ترانسلياتسيالاۋ ارقىلى بەينەتىركەگىشتەرمەن جانە قۇقىق قورعاۋ ورگاندارىنىڭ ارنايى دەرەكقورلارى مەن اقپاراتتىق جۇيەلەرىنە قوسىلعان پلانشەتتىك قۇرىلعىلارمەن جاراقتاندىرۋ. بۇگىندە سىرتقى قىزمەت پوليتسەيلەرى 100% قىزمەتتىك پلانشەتپەن جابدىقتالعان. ونلاين ترانسلياتسياسى بار بەينەتىركەگىشتى جانە GPS باقىلاۋدى ەنگىزۋ جوباسى اپروباتسيا ساتىسىندا جانە 150 بەينەتىركەگىشتە تەستىلىك رەجيمدە جۇمىس ىستەيدى», دەدى ءادىل سارسەنوۆ.
