28 اقپان كۇنى ساعات 01:03-تە قاراعاندى قالاسى زاتاەۆيچ كوشەسىندەگى عيماراتتا ءورت شىققانى تۋرالى حابارلاما تۇسكەن.
«التىن اربا» بازارىنىڭ اۋماعىندا تەز تاماقتانۋعا ارنالعان ءۇش ءدامحانانىڭ اعاش قاپتامالارى, جىلىتقىش ماتەريالدارى, جيھازدار, جابدىقتار جانە اسحانالىق كەرەك-جاراقتارى جاندى. ءورتتىڭ جالپى اۋدانى - 500 شارشى مەتر. قازا بولعاندار مەن زارداپ شەككەندەر جوق. ءورت 01:52-دە ءسوندىرىلدى», دەپ حابارلادى قاراعاندى وبلىسى تجد ءباسپاسوز قىزمەتى.
وقيعا ورنىندا قاراعاندى وبلىسى تج دەپارتامەنتىنىڭ 52 قىزمەتكەرى مەن 15 تەحنيكاسى جۇمىس ىستەدى.
ءورتتىڭ شىعۋ سەبەبى انىقتالىپ جاتىر.
