«24 اقپان كۇنى ۆورونەج وبلىسىندا اسكەري م ۇلىكتى تاسىمالداۋ كەزىندە رەسەيدىڭ اۋە-عارىش كۇشتەرىنىڭ ان-26 ۇشاعى اپاتقا ۇشىرادى. ەكيپاج قازا تاپتى. جەردە ەش عيماراتقا زاقىم كەلمەدى. الدىن الا بەرىلگەن اقپارات بويىنشا, تەحنيكا ىستەن شىققان», دەپ حابارلادى ءباسپاسوز قىزمەتى.
وكرۋگ اقپاراتىنا ساي, اپات سالدارىن جويۋ مەن ونىڭ سەبەبىن انىقتاۋ ماقساتىندا اۋە-عارىش كۇشتەرىنىڭ كوميسسياسى وقيعا ورنىنا جونەلتىلدى. ان-26 – كەڭەستىك, كەيىنىرەك رەسەيلىك كوپ ماقساتتى ۇشاق. ول وكب-153 تاجىريبەلىك-كونسترۋكتورلىق بيۋروسىندا 1960 جىلدارى جاسالعان.
جاڭا نۇسقاسىنىڭ الدىڭعىعا قاراعاندا جۇك سالاتىن ليۋگى ۇلكەن, ۇشۋ ماسساسى اۋىر, سونىمەن قاتار يلليۋميناتورلارى بار. ۇشاق ءبىرىنشى رەت 1969 جىلى 21 مامىردا ۇشىرىلعان. ەكيپاجدى سىناۋشى ۇشقىش يۋري كەتوۆ باسقارعان. 1975 جىلى 26 مامىردا كسرو اسكەري-اۋە كۇشتەرىنە قابىلداندى.
ۇشاق 1969-1986 جىلدارى كيەۆ پەن ۋلان-ۋدە قالالارىنداعى اۆياتسيالىق زاۋىتتاردا ءوندىرىلىپ وتىرعان. بارلىعى 1 398 ۇشاق قۇراستىرىلىپ, قازىرگى كەزدە جۇزدەگەن ۇشاق قولدانىستا. ونداعان جەتىلدىرىلگەن تۇرلەرى بار.
