قازاقستانداعى اۆتوكولىك ساتۋداعى وتاندىق وندىرۋشىلەردىڭ ۇلەسى 65 پايىزدى قۇرايدى. ءبىز بىلەتىندەي, قازاقستاندا KIA, Chevrolet, Lada, Hyundai كولىكتەرى شىعارىلادى. سوڭعى دەرەك بويىنشا قازاقستانداعى 4,5 ملن جەڭىل كولىكتىڭ 2 452 906-سى – 10 جىلدان ارتىق مىنىلگەن كولىك.
2019 جىلى – 75 مىڭ, بىلتىر 93 مىڭ جاڭا كولىك ساۋدالانسا, 2021 جىلدىڭ قاڭتار-تامىز ايلارىندا 76 048 كولىك اينالىمعا شىقتى. ۇلەس كوبەيىپ كەلە جاتىر. قازاقستانداعى ۋتيلالىم ەكى فۋنكتسيانى ورىنداپ وتىر. بۇل – ەكولوگيالىق جانە تاريفتىك فۋنكتسيا. 2016 جىلدان بەرى 200 مىڭنان استام اۆتوكولىك قايتا وڭدەۋگە تاپسىرىلدى. ياعني حالىق بۇل كولىكتەر ءۇشىن اقشالاي نەمەسە سەرتيفيكات تۇرىندە وتەماقى الدى.
قازىر ۋتيلالىم تۋرالى پىكىر جۇيەلەنگەن جوق. ەۋروپالىق وداقتاعى ۋتيل جيناعىنىڭ مولشەرىنە ءجيى نازار اۋدارىلادى. ءبىز ەۋرازيالىق ەكونوميكالىق وداق شەڭبەرىندە جۇمىس ىستەيمىز. ارينە, باعانى مەملەكەت بەلگىلەمەيدى, مەملەكەت تەك جاعداي جاسايدى. ياعني وتاندىق وندىرۋشىلەر كولىكتىڭ قۇنىنا قايتا وڭدەۋ اقىسىن قوسپايدى. ۇكىمەت جاريالاعان تاعى ءبىر ماڭىزدى شارا – كولىك الامىن دەۋشىلەرگە باستاپقى جارناسىز جەڭىلدەتىلگەن نەسيە بەرۋدى جەتىلدىرۋ. باعدارلاماعا سۇرانىس بار جانە بۇل ءساتتى جۇزەگە اسۋدا. ءبىز قازىردىڭ وزىندە ناتيجەلەرىن كورىپ وتىرمىز. قازىر كولىك الۋعا 15 مىڭعا جۋىق ادام كەزەكتە تۇر. بۇل شارانىڭ حالىققا, قوعامعا پايداسى زور دەپ ەسەپتەيمىن.
قايرات ەلامانوۆ,
قازاقستان اۆتوبيزنەس قاۋىمداستىعىنىڭ مەملەكەتتىك ورگاندارمەن ءوزارا ارىپتەستىك ءبولىمىنىڭ ديرەكتورى
