بۇل تۋرالى قر پرەمەر-ءمينيسترىنىڭ ءباسپاسوز قىزمەتى ءمالىم ەتتى.
ەركەبۇلان داۋىلباەۆ 1978 جىلى وڭتۇستىك قازاقستان وبلىسىندا دۇنيەگە كەلگەن.
م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن, رەسەي كەدەن اكادەمياسىن بىتىرگەن.
ەڭبەك جولىن 1999 جىلى قر قارجى مينيسترلىگى كەدەندىك باقىلاۋ كوميتەتىنىڭ وقو بويىنشا كەدەندىك باقىلاۋ دەپارتامەنتىنىڭ ينسپەكتورى لاۋازىمىنان باستادى.
2010-2011 جىلدارى — وقو مەملەكەتتىك ساۋلەت-قۇرىلىس باقىلاۋ باسقارماسىنىڭ ءبولىم باسشىسىنىڭ مىندەتىن اتقارۋشى, ليتسەنزيالاۋ ءبولىمىنىڭ باسشىسى.
2011-2012 جىلدارى — وقو قۇرىلىس باسقارماسى باسشىسىنىڭ ورىنباسارى.
2012-2014 جىلدارى — وقو بويىنشا كەدەندىك باقىلاۋ دەپارتامەنتىنىڭ كونترابانداعا قارسى كۇرەس باسقارماسىنىڭ باسشىسى.
2013-2014 جىلدارى — وقو قۇرىلىس باسقارماسىنىڭ باسشىسى.
ءار جىلدارى جەكە كومپانيالاردا جۇمىس ىستەدى.
2016-2017 جىلدارى – «نۇر وتان» پارتياسى وڭتۇستىك قازاقستان وبلىستىق فيليالى توراعاسىنىڭ ورىنباسارى. 2017-2018 جىلدارى — قر اشم جەر رەسۋرستارىن باسقارۋ كوميتەتى توراعاسىنىڭ ورىنباسارى.
2018 جىلى جامبىل وبلىسى اكىمىنىڭ كەڭەسشىسى بولدى.
2018-2020 جىلدارى — جامبىل وبلىسى اكىمىنىڭ ورىنباسارى.
2020-2021 جىلدارى — قر يدم قۇرىلىس جانە تكش ىستەرى كوميتەتى توراعاسىنىڭ ورىنباسارى.
2021 جىلعى تامىزدان باستاپ قازىرگى ۋاقىتقا دەيىن قر پرەزيدەنتى اكىمشىلىگىنىڭ مەملەكەتتىك ينسپەكتورى بولدى.
