ال بۇكىل دەرلىك سانالى عۇمىرىم وتكەن سەمەيدە سوناۋ تəۋەلسىزدىك تاڭى اتقالى بەرى كەۋدەنى وكىنىشكە تولتىرىپ, ەڭسەنى تۇسىرەتىن كەمشىلىكتەردىڭ ءبىرى كوشەلەردىڭ اتاۋى ەدى. 2018-2019 جىلدارى 9 كوشەنىڭ اتاۋى وزگەرتىلسە, بۇرناعى جىلى 10 كوشەنىڭ اتى اۋىستىرىلىپتى. «ەندى, مىنە, 50-دەن استام كوشەنىڭ اتتارى وزگەرتىلمەكشى», دەپ سۇيىنشىلەپتى گازەتتىڭ جەرگىلىكتى جەردەگى قىزمەتكەرى.
جالپى, سوڭعى 30 جىلدا اتالعان مəسەلەگە قاتىستى بىرنەشە جۋرناليست ءسوز قوزعاپ, قالاداعى 500-گە تارتا كوشەنىڭ اتاۋىن اۋىستىرۋ تۋرالى قالالىق ونوماستيكا كوميسسياسىنا ۇسىنىس بىلدىرگەن ەدى. وكىنىشكە قاراي, ۇسىنىستار كوڭىلگە قونىمدى نەگىزدە ەسكەرىلدى دەپ ايتا المايمىز. كوشە اتتارى قالالىق ءبىلىم ءبولىمىن باسقارعان پوسماكوۆ سەكىلدى قاراپايىم كىسىلەرگە دە بەرىلىپ كەتكەنى جاسىرىن ەمەس. ەندىگى مىندەت – سونداي ولقىلىقتاردى بولدىرماۋ. ال ا.كنياگينين سەكىلدى وسى ەلدىڭ جاناشىر ازاماتتارىن ۇمىت قالدىرماي, ەڭبەگىن ەسكەرۋ دە ەستە تۇرارلىق مəسەلە بولسا يگى دەيمىز, ارۋاعى ريزا بولار ەدى.
سوڭعى جىلدارى قالاداعى «قاراعايلى», «ۆوستوچنىي» شاعىن اۋداندارى قارقىندى دامىپ كەلەدى. Əرقايسىسىندا سان مىڭداعان حالىق تۇرادى. مۇندا دا جاڭادان پايدا بولعان كوشەلەرگە ات بەرىلەردە شەشىم əبدەن ويلاستىرىلىپ, تالقىدان ءوتىپ بارىپ شىعارىلۋى كەرەك. مəسەلەن, قالادا ءəلى كۇنگە دەيىن كومپوزيتور, قازاقستاننىڭ ەڭبەك ەرى ە.راحماديەۆتىڭ اتىندا كوشە جوق. سونداياق تəۋەلسىز جۋرناليستيكانىڭ سەمەيدەگى العاشقى قارلىعاشى ل.رەزنيكوۆتى دە ەسكەرۋگە تۇرارلىق تۇلعا دەسەك, اقيقاتتان الشاق كەتپەيتىنىمىز انىق.
سۇيەۋباي بايقادي ۇلى,
قازاقستاننىڭ قۇرمەتتى ءجۋرناليسى
نۇر-سۇلتان
