ستاتسيونار كىشكەنتاي بالالاردى دياگنوستيكالاۋ ءۇشىن كت (كومپيۋتەرلىك توموگرافيا) جانە مرت (ماگنيتتىك-رەزونانستىق توموگرافيا) جاڭا اپپاراتتارىمەن جابدىقتالدى. 2010 جىلى اشىلعان اۋرۋحانادا بۇعان دەيىن مۇنداي قۇرىلعىلاردىڭ بىرەۋى عانا بولعان. الايدا بالالار سانىنىڭ ءوسۋىن ەسكەرسەك, جوعارى ساپالى جابدىقتاردى كوبەيتۋ قاشاندا نازاردا بولۋى كەرەك.
بالالار اۋرۋحاناسىنا اكەلىنگەن جاڭا مرت اپپاراتىنىڭ ارتىقشىلىعى 400 مىڭعا دەيىن سۋرەت جاسايدى. ءتۇرلى ءتۇستى ديسپلەيى بار, بۇل سۋرەتتى انىق جانە جارقىن كورۋگە مۇمكىندىك بەرەدى.
كومپيۋتەرلىك توموگرا-
فيا اپپاراتى ونكولوگيالىق اۋرۋلاردى, كارديولوگيا, نەۆرولوگيا, تراۆماتولوگيا جانە ورتوپەديا سالالارىن, سونداي-اق بالانىڭ بۇكىل دەنەسىن دياگنوستيكالىق زەرتتەۋدى قوسا ەسەپتەگەندە وزگە دە اۋرۋلاردى تەكسەرۋ ءۇشىن قولدانىلادى.
جالپى, قالالىق مەديتسينالىق ورتالىقتاردى جابدىقتاۋ ءۇشىن تاعى 5 كت اپپاراتىن ساتىپ الۋ جوسپارلانىپ وتىر. وتكەن جىلى ەلوردالىق اۋرۋحانالار مەن ەمحانالار ءۇشىن 300-گە جۋىق ءتۇرلى جابدىق ساتىپ الىندى.
