«مۇراعا» قالعان ماسەلەلەر

جەتىسۋ اۋدانىنا قاراستى كە­مەل شاعىن اۋدانىنىڭ تۇر­عىن­دارىنا ىڭعايلى بولۋى ءۇشىن وتباسىلىق-دارىگەرلىك امبۋلاتوريا سالىندى. ويتكەنى جاقىن ماڭداعى ەمحانا 4 شاقىرىم جەردە ورنالاسقان. جاڭا مەدي­تسي­نالىق مەكەمە العاشقى ناۋ­قاستارىن بيىل كۇزدە قابىل­داي باستايدى. سونداي-اق شاعىن ­اۋدان تۇرعىندارى ۇنەمى اۋىز سۋ تاپشىلىعىنا تاپ كەلىپ ءجۇر. سۋمەن جابدىقتاۋدى ەلەكتر سور­عى­لارى قامتاماسىز ەتەدى, ەلەك­تر قۋاتى اجىراتىلعان كەزدە حالىقتا سۋ بولماي قالادى. تۇر­عىنداردىڭ ءبىر مەزگىل سەرۋەندەپ, دەمالۋىنا جايلى جاعداي جاساۋ ماقساتىندا 10 مىڭ ادامدى قامتيتىن دەمالىس جانە بەل­سەندى دەمالىس ايماقتارىن اباتتاندىرۋ جونىندەگى جوبا قاراستىرىلۋدا. كەمەل شاعىن اۋدانىندا جاعالاۋ ايماعىن سالۋ جوباسى 2020 جىلى ازىر­لەن­دى. نىساننىڭ قۇرىلىسى ءۇشىن رەسپۋبليكالىق بيۋدجەتتەن 789,8 ملن تەڭگە سوماسىندا قارجىلاندىرۋ سۇرالدى.

قالا اكىمى ەربولات دوساەۆ اتالعان اۋدانداعى قارت ادامدار يوگامەن, حورەوگرافيامەن, ايكۋنەمەن, سكانديناۆيالىق ەڭ­بەك تەراپياسىمەن اينالىساتىن, اي سايىن 70-80 ادام باراتىن اعىل­شىن جانە قازاق تىل­­دە­رىن وقىتاتىن مادەنيەت ءۇيى­­­­نىڭ جۇمىسىمەن دە تانىستى. سون­داي-اق تۇرعىندارمەن كەز­دە­سىپ, ولاردىڭ وتىنىشتەرى مەن ۇسى­­­نىستارىن تىڭدادى. وزەك­تى ماسەلەلەر قاتارىندا قو­­عام­­­دىق كولىك ايالدامالارىن ۇيىم­­­داستىرۋ, اۆتوبۋس باعىت­­تارىن وزگەرتۋ سىندى ماسە­لە­لەر كوتە­رىلدى. كەزدەسۋ قورى­تىن­دى­سىن­­دا قالا باسشى­سى قالالىق مو­بيل­دى­لىك باس­قار­ماسى­نا قوعام­دىق كولىك قوزعالى­سىنا ساراپتاما جۇرگىزىپ, تۇرعىن­دار­دىڭ ماسە­لە­لە­رىن قاراۋ ءۇشىن ءتيىس­­تى شارالار قابىلداۋدى تاپ­سىردى.

ماسەلەن, دۋلىعا كوشەسىندەگى اپات­تى جاعدايداعى ۇيلەردىڭ ماسە­لەسى ءتيىستى شارالار قابىل­داۋ ماقساتىندا باقىلاۋعا الىندى. جاقىن ارادا كەمەل مەن كوكجيەك شاعىن اۋدانىنىڭ بالا­لارى جايساڭ كوشەسىندە ورنالاسقان دەنەشىنىقتىرۋ-ساۋىقتىرۋ كە­شە­نىنىڭ سەكتسيالارىنا تەگىن بارا الادى. ونىڭ قۇرىلىسىن وسى جىلدىڭ 1 توقسا­نى­نىڭ سوڭىنا دەيىن اياقتاۋ جوسپارلانىپ وتىر.

كوكجيەك شاعىن اۋدانىندا جاڭا قاراعاي ورمانىنىڭ اۋما­عى بار. «تازا قازاقستان» ەكو­لو­­گيالىق جوباسىن ىسكە اسىرۋ ايا­سىندا 3,1 گەكتار جەرگە 1 500-دەن استام قاراعاي مەن 11 مىڭنان استام جاپىراقتى اعاش وتىرعىزىلدى. 65 مەتر تەرەڭدىكتە سورعىنى ورناتۋ بو­يىنشا جۇ­مىس­تار جۇرگىزىلدى, 25 تەكشە مەتر سۋعا قاتىستى 2 رە­زەر­ۆۋار ورنا­تىلدى. قازىرگى كەزدە اعاش كو­شەتتەرىن تامشىلاتىپ سۋارۋ تە­تىكتەرىن ورناتۋ جۇ­مىستارى جۇر­گىزىلۋدە. بيىل سۋا­رۋ ماۋسىمىنا بايلانىستى جاسىل ەكونومي­كا باس­قار­ما­سى جۇمىستاردى اياقتاۋى ءتيىس.

كوكجيەك شاعىن اۋدانىنداعى №177 مەكتەپ قوسىمشا قۇرىلىس سالۋ ەسەبىنەن 600 ورىنعا كەڭەي­تىل­دى. بۇل ورىن تاپشىلىعى ماسە­لەسىن شەشۋگە يگى ىقپال ەتتى.

جۇمىسشى كەنتىنىڭ تۇرعىن­دا­رى مەديتسينالىق قىزمەتتەرگە قولجەتىمدىلىك ماسەلەلەرىنە قا­تىس­تى مۇڭ-مۇقتاجىن جەكىزدى. ولار باسقا اۋدانداردىڭ ەمحانالارىنا بارۋعا ءماجبۇر. ە.دوساەۆ اۋدان اكىمىنە جاڭا ەمحانا سالۋ ءۇشىن قولايلى جەر ۋچاسكەسىن ىزدەۋ جونىندە شارالار قابىلداۋدى تاپسىردى.

جۇمىس ساپارىنىڭ سوڭىن­دا قالا اكىمى «2021-2025 جىل­دار­عا ارنال­عان تۇرعىن ءۇي قورىن جا­ڭار­تۋ باعدارلاماسى» اياسىن­دا كرىلوۆ, سكريابين, گون­چا­روۆ كوشە­لەرى مەن رايىم­بەك داڭ­عى­لىنىڭ شەڭ­بە­رىندە سالىنىپ جاتقان ۇيلەردىڭ قۇرىلىسىمەن تانىستى. قازىرگى كەزدە قۇرىلىس-مونتاج جۇمىستارى جۇرگىزىلىپ, 30 ەسكى ەكى قاباتتى ءۇيدى ءسۇرۋ جۇزەگە اسىرىلۋدا. ولاردىڭ ورنىندا 2024 جىلعا دەيىن 24 كوپپاتەرلى ءۇي سالىنادى. بۇزىلعان 11 ءۇيدىڭ ورنىندا 9 ءۇي بيىل تاپسىرىلادى.

الماتى