كەزدەسۋدە سۋ رەسۋرستارىن باسقارۋ جانە پايدالانۋ ماسەلەلەرىن شەشۋدىڭ ماڭىزدىلىعىن ءتۇسىنۋ, مۇددەلى ەلدەر اراسىنداعى كوپ قىرلى ىنتىماقتاستىقتىڭ وڭ ۇردىستەرى اتاپ ءوتىلدى. ر.سكليار ءوز سوزىندە قازاقستان تاراپى ارال تەڭىزىنە ترانسشەكارالىق وزەندەردىڭ اعىنىنىڭ قالىپتاسۋ ايماعىنان جوسپارلانعان ەكسپەديتسيانى قولدايتىنىن, سونداي-اق وسى ەكسپەديتسيانى ءساتتى ۇيىمداستىرۋ مەن وتكىزۋگە كومەك كورسەتۋگە دايىن ەكەنىن اتاپ ءوتتى. سونىمەن قاتار يرريگاتسيا مەن ەنەرگەتيكا مۇددەلەرىن ەسكەرە وتىرىپ, ءوڭىردىڭ سۋ-ەنەرگەتيكالىق رەسۋرستارىن ءتيىمدى پايدالانۋ مەحانيزمىن قاراستىراتىن وڭىرلىك سۋ-ەنەرگەتيكالىق كونسورتسيۋمىن قۇرۋ ماسەلەسىن قاراستىرۋ ۇسىنىلادى. ارال تەڭىزى باسسەينىنىڭ سۋ شارۋاشىلىعىن, ەكولوگيالىق جانە الەۋمەتتىك-ەكونوميكالىق جاعدايىن جاقسارتۋ قاجەتتىلىگى تۇرعىسىندا قاتىسۋشىلار ايماقتىق ۇيىمداردىڭ ءرولىن كۇشەيتۋدىڭ جانە ايماقتاعى بارلىق ەلدەردىڭ قاجەتتىلىكتەرى مەن مۇددەلەرىن ەسكەرە وتىرىپ, سۋ-ەنەرگەتيكالىق رەسۋرستاردى پايدالانۋ سالاسىنداعى ءتيىمدى شارالاردى ازىرلەۋدى جالعاستىرۋدىڭ ماڭىزدىلىعىن اتاپ ءوتتى.
ارالدى قۇتقارۋ حالىقارالىق قورىنىڭ باسقارما وتىرىسىنىڭ ناتيجەسىندە ءتيىستى حاتتامالار مەن قۇجاتتارعا قول قويىلدى.
كەزدەسۋگە سونداي-اق تاجىكستان رەسپۋبليكاسى مەن وزبەكستان رەسپۋبليكاسى پرەمەر-مينيسترلەرىنىڭ ورىنباسارلارى, تۇرىكمەنستاننىڭ سۋ رەسۋرستارى كوميتەتىنىڭ توراعاسى, ارالدى قۇتقارۋ حالىقارالىق قورىنا مۇشە ەلدەردىڭ مۇددەلى ۆەدومستۆولارىنىڭ جاۋاپتى قىزمەتكەرلەرى قاتىستى.
