2022 جىلعى 19 اقپاندا قر دسم مەديتسينالىق جانە فارماتسەۆتيكالىق باقىلاۋ كوميتەتى «گام-كوۆيد-ۆاك-م» دارىلىك زاتىنا 8 اي مەرزىمگە ۋاقىتشا تىركەۋ كۋالىگىن بەردى.
گام-كوۆيد-ۆاك-م - SARS-CoV-2 ۆيرۋسى تۋدىراتىن كوروناۆيرۋستىق ينفەكتسيانىڭ الدىن الۋ ءۇشىن ۆەكتورلىق ۆاكتسينا, بۇلشىقەت ىشىنە ەنگىزۋگە ارنالعان ەرىتىندى, كومپونەنتى I-0,5 مل/دوزا + كومپونەنتى II-0,5 مل/دوزا, رەسەي فەدەراتسياسىندا وندىرىلگەن.
ۆاكتسينا قازاقستان رەسپۋبليكاسىنىڭ اۋماعىندا كوروناۆيرۋس ينفەكتسيانىڭ پايدا بولۋى مەن تارالۋىن بولدىرماۋ جونىندەگى ۆەدومستۆوارالىق كوميسسيا وتىرىسىنىڭ 2022 جىلعى 10 اقپانداعى حاتتاماسىنىڭ جانە قر دسم كمفبك «دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى» شجق رمك 2022 جىلعى 17 اقپانداعى قورىتىندىسىنىڭ نەگىزىندە تىركەلدى.
سپۋتنيك-م 12-17 جاس ارالىعىنداعى جاسوسپىرىمدەرگە ارنالعان. «سپۋتنيك م» مەن «سپۋتنيك V» اراسىنداعى ايىرماشىلىق ادەنوۆيرۋستىق بولشەكتەردىڭ كونتسەنتراتسياسىنىڭ بەس ەسە تومەندەۋى بولىپ تابىلادى, سونىڭ ارقاسىندا جاسوسپىرىمدەر يممۋنيتەتى ەرەسەكتەرگە ارنالعان دوزانى قولدانۋمەن سالىستىرعاندا از جۇكتەمەگە ۇشىرايدى.
