تەحنيكالىق رەتتەۋ قالاي جۇرەدى؟

2010 جىلى 24 مامىردا استانا قالاسىندا “تەحنيكالىق رەتتەۋ 2012: بىرىڭعاي تەحنيكالىق نورمالاۋ جانە بىرىڭعاي ەكونوميكالىق كەڭىستىك اۋماعىندا تانۋ” اتتى حالىقارالىق كونفەرەنتسيا وتەدى. كونفەرەنتسيانى وتكىزۋدىڭ ماقساتى – ساۋداداعى كەدەرگىلەردى جويۋ جانە تۇتىنۋشىلاردى قاۋىپسىز جانە ساپالى ونىممەن قامتاماسىز ەتۋ ماقساتىندا كەدەن وداعىنىڭ قاتىسۋشى ەلدەرىنىڭ تەحنيكالىق رەتتەۋ جۇيەسىن ۇيلەستىرۋ. كونفەرەنتسياعا كەدەن وداعىنا قاتىسۋشى ەلدەر ۇكىمەتتەرىنىڭ رەسمي وكىلدەرى, سونداي-اق بيزنەس قاۋىمداستىعىنىڭ, ەۋروپا وداعىنىڭ جانە ءۇش مەملەكەتتىڭ قوعامدىق وكىلدەرى قاتىسادى. ورتالىق پىكىرسايىس الاڭىمەن قاتار كونفەرەن­تسيا اياسىندا مىناداي تاقىرىپتار بويىنشا ءۇش سەكتسيادا وتەدى: 1. ەكونوميكالىق كەڭىستىكتە تەحنيكالىق رەتتەۋدىڭ بىرىڭعاي جۇيەسى. 2. ستاندارتتاۋ بويىنشا ەكونوميكالىق پايدا. 3. بەك اۋماعىندا سايكەستىكتى راستاۋ پروتسەدۋرالارىن بىرىڭعايلاندىرۋ. كونفەرەنتسيانى ۇيىمداستىرۋشى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگى جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى. كونفەرەنتسياعا قاتىسۋ ءۇشىن بارلىق مۇددەلى تۇلعالار, بيزنەس قاۋىمداستىعىنىڭ وكىلدەرى شاقىرىلادى. وتەتىن ورنى: ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى, استانا قالاسى, مۇڭايتپاسوۆ كوشەسى, 5, كونفەرەنتس-زال. تىركەلۋ 2010 جىلعى 20 مامىرعا دەيىن: قر يججتم تەحنيكالىق رەتتەۋ جانە مەترولوگيا كوميتەتىنىڭ سايتىندا http://memst.kz/ru/ts/reg.php ادرەسى بويىنشا, سونداي-اق +7 7172 79 33 28 تەلەفونى بويىنشا جۇرگىزىلەدى.