پرەزيدەنت «وزبەكستان رەسپۋبليكاسىنىڭ كولىك جانە قارجى سالالارىندا كەيبىر قۇقىق بۇزۋشىلىقتار جاساعانى ءۇشىن اكىمشىلىك جازالاردى ىرىقتاندىرۋعا بايلانىستى اكىمشىلىك جاۋاپكەرشىلىك كودەكسى تۋرالى» زاڭعا قول قويدى.
قۇجاتقا سايكەس, 2022 جىلدىڭ ناۋرىزىنان باستاپ وزبەكستان رەسپۋبليكاسىنىڭ ىشكى ىستەر ورگاندارى جانە كونسۋلدىق مەكەمەلەرى بەرگەن مالىمەتتەر بويىنشا بيومەتريالىق پاسپورت نەمەسە ID سايكەستەندىرۋ كارتاسى بولعان جاعدايدا ساقتاندىرۋ قۇجاتتارى تالاپ ەتىلمەيدى.
ەستەرىڭىزگە سالا كەتسەك, 2021 جىلى 15 قازاندا وزبەكستان رەسپۋبليكاسىنىڭ ىشكى ىستەر ورگاندارى اقپاراتتىق تەحنولوگيالاردى ەنگىزۋ جونىندە قاۋلى قابىلدادى.
قۇجاتقا سايكەس, 2022 جىلدىڭ 1 ناۋرىزىنان باستاپ جۇرگىزۋشىدە جول پوليتسياسى قىزمەتكەرىنە ۇسىنىلاتىن بىرقاتار قۇجات بولماسا, قوسىمشا دەرەكتەردى ارنايى پلانشەتتىڭ كومەگىمەن ID-كارتاسى ارقىلى تەكسەرۋگە بولاتىندىعى ايتىلعان.
بۇل جاعدايدا ID-كارتاسى بار جۇرگىزۋشىلەردەن تومەندەگى قۇجاتتاردى تالاپ ەتپەۋگە بولادى:
- جاڭا ۇلگىدەگى جۇرگىزۋشى كۋالىگى;
- كولىك قۇرالىنىڭ تىركەلگەنىن, ونى پايدالانۋ قۇقىعىن راستايتىن قۇجاتتار;
- ازاماتتىق جاۋاپكەرشىلىكتى مىندەتتى ساقتاندىرۋ ءپوليسى.
2022 جىلدىڭ 1 اقپانىنا دەيىن ساقتاندىرۋ شارتتارى تۋرالى بارلىق دەرەكتەر بىرىڭعاي اقپاراتتىق جۇيەگە ەنگىزىلۋى ءتيىس.
ايانا توعانبەك,
ەۇۋ ستۋدەنتى
