قازاقستان • 21 اقپان، 2022

18 جاستاعى ساربازدى كوپىردەن لاقتىرعان - باس پروكۋراتۋرا

110 رەت كورسەتىلدى

قر باس پروكۋراتۋراسىنىڭ 1 قىزمەت باستىعىنىڭ ورىنباسارى ەلدوس قيلىمجانوۆ قاڭتارداعى وقيعالار كەزىندە بولعان قايعىلى جاعدايلار جونىندە باياندادى، دەپ حابارلايدى Egemen.kz.

«قىلمىستىق قۋدالاۋ ورگاندارى قاڭتاردا ورىن العان وقيعانىڭ ەگجەي-تەگجەيلى كورىنىسىن انىقتاپ جاتىر. بۇگىندە ازاماتتاردىڭ باستاپقىدا بەيبىت ميتينگكە بارعانىن، سودان كەيىن بۇعان قىلمىستىق جانە دەسترۋكتيۆتى كۇشتەر ارالاسىپ، مەملەكەتتىك بيلىكتى باسىپ الۋ ماقساتىندا تەرروريزم اكتىلەرىن جاساعانىن كورىپ وتىرمىز»، دەدى ەلدوس قيلىمجانوۆ وكق بريفينگىندە.

ونىڭ ايتۋىنشا، قىلمىسكەرلەر مەملەكەتتىك ورگانداردىڭ نىساندارىنا ارنايى شابۋىل جاساپ، ءارتۇرلى ايماقتاردا جاپپاي تارتىپسىزدىك جاساعان.

«وسىلايشا ولار قوسىمشا قۇقىق قورعاۋ كۇشتەرىنىڭ كەلۋىنە جول بەرمەۋگە تىرىستى. وعان اتىراۋ وبلىسى مىسال بولا الادى. قاۋىپسىزدىك كۇشتەرىنىڭ سىرتتان كەلۋى ولاردىڭ جوسپارلارىنا كەدەرگى كەلتىرۋى مۇمكىن دەپ قورقىپ، قىلمىسكەرلەر تەمىرجولداردى جاۋىپ، 3 جولاۋشىلار مەن 5 جۇك پويىزدارىنىڭ قوزعالىسىن توقتاتتى»، دەپ ەسكە الدى باس پروكۋراتۋرانىڭ وكىلى.

ء«ارى قاراي ولار پوليتسيا مەن ۇلتتىق گۆارديا ساربازدارىنا شابۋىل جاسادى. 18 جاستاعى قارۋسىز جەدەل قىزمەت سولداتى ورتالىق كوپىردەن لاقتىرىلدى. سارباز امان قالدى»، دەدى ە.كيلىجمانوۆ.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار