ىشكى ىستەر مينيسترلىگى قاڭتار وقيعالارىن تەرگەۋ مەن ەلدەگى قۇقىقتىق ءتارتىپتى قامتاماسىز ەتۋ بويىنشا جۇمىستاردى جالعاستىرىپ جاتىر. قازىرگى ۋاقىتتا ىشكى ىستەر ورگاندارى تەرگەۋشىلەرىنىڭ قاراۋىندا 2729 قىلمىس ءىس بار, ولار بويىنشا 255 ادام كۇزەتپەن ۇستالعان.
«سونىمەن بىرگە جاساعان ارەكەتىنىڭ اۋىرلىعىن, جەكە باسىنىڭ مىنەزدەمەسىن ەسكە وتىرىپ, سوتتار 140 ادامعا قوعامنان الشاقتاتۋعا بايلانىستى ەمەس بۇلتارتپاۋ شارالارىن تاعايىندادى: ۇيقاماق - 62, كەپىل - 33, ەشقايدا شىقپاۋ تۋرالى قولحات - 45. بۇرىن اتالعانداي قىلمىستىق ىستەردىڭ نەگىزگى بولىگى كەلەسى قىلمىستار بويىنشا تەرگەلۋدە: ۇرلىق - 1 844, قارۋدىڭ زاڭسىز اينالىمى - 343, م ۇلىكتى قاساقانا ءبۇلدىرۋ نەمەسە جويۋ – 144», دەدى سانجار ءادىلوۆ.
سونداي-اق قىلمىستىق ىستەر بويىنشا 1,5 مىڭنان اسا جەكە جانە زاڭدى تۇلعالار جابىرلەنۋشى دەپ تانىلعان.
«12 مىڭنان استام ادامنان جاۋاپ الىنعان, 2 مىڭنان استام ءارتۇرلى سوت ساراپتامالارى تاعايىندالعان. سوتقا دەيىنگى تەرگەۋدىڭ ساپاسىنا جانە ونىڭ جەدەل اياقتالۋى ەرەكشە نازارعا الىنعان», دەدى ول.
