قازاقستان • 21 اقپان، 2022

پرەزيدەنتتىڭ ءسوزى – زاڭ!

158 رەت كورسەتىلدى

توقاەۆتىڭ مونوپوليامەن ىمىراسىز كۇرەس تۋرالى مالىمدەمەسى اياسىندا ەلدەگى احۋال قانداي؟

قاڭتارداعى وقيعالار پرەزيدەنتتىڭ وتكەننەن الشاقتاپ، جاڭا قازاقستاندى، ياعني حالىق ءۇنىن ەستيتىن مەملەكەتتى ءسوز جۇزىندە ەمەس، ءىس جۇزىندە قۇرۋ ءۇشىن بارلىق كۇش-جىگەردى جۇمىلدىرۋعا مۇمكىندىك بەرەتىن بىرقاتار باتىل شەشىمدەردى قابىلداۋىنا تۇرتكى بولدى. توقاەۆتىڭ بۇل ءسوزى، ەڭ الدىمەن، بيزنەستىڭ دامۋىنا جانە ادال باسەكەلەستىككە كەدەرگى كەلتىرەتىن سحەمالاردى ويلاستىرعاندارعا باعىتتالدى. ءسىرا، ءدال قازىر مەملەكەت باسشىسى دا، حالىق تا باعانىڭ وسۋىنە نەمەسە قازاقستاندىقتاردىڭ ءومىر ءسۇرۋ دەڭگەيىنىڭ ناشارلاۋىنا اكەپ سوعۋى مۇمكىن قانداي دا ءبىر ءىس-ارەكەتكە جول بەرمەۋ تۋرالى ورتاق پىكىردە بولسا كەرەك. بۇل تۇرعىدان پرەزيدەنتتىڭ مونوپوليستەرمەن باتىل كۇرەس جۇرگىزۋ تۋرالى مالىمدەمەسى قيسىنعا سايادى جانە دەر كەزىندە جاريا ەتىلدى.

قايعىلى وقيعالاردان كەيىنگى العاشقى قاۋلىلارىنىڭ بىرىمەن قاسىم-جومارت كەمەل ۇلى جەكە «وكم وپەراتورى» جشس-نىڭ كادەگە جاراتۋ الىمىنىڭ كۇشىن جويىپ، «جاسىل دامۋ» مەملەكەتتىك ۇيىمىنىڭ پايداسىنا شەشكەنى ءبارىمىزدىڭ ەسىمىزدە. بۇل وتكەننىڭ كەلمەسكە كەتكەنىن جانە پەرسپەكتيۆالى بولاشاققا جول اشىلعانىن بىلدىرەتىن باستاپقى نۇكتە بولدى.

بىراق قازاقستاندىق بيزنەستەگى توعىشارلىق «وكم» وپەراتورىمەن عانا شەكتەلمەيدى. بۇگىنگى تاڭدا ءىس جۇزىندە ءار يندۋستريادا ميللياردتاعان قارجىنى تەك ءوز قالتاسىنا باسىپ، مونوپوليا نەگىزىندە عانا جۇمىس ىستەيتىن جەكە كومپانيالار جەتكىلىكتى.

«سك-فارماتسيا» جشس، «الماتى سپەتستەحپاركينگ سەرۆيس» جشس، «تسەنتر ۋچەتا ستاۆوك» جشس – وسى كومپانيالاردىڭ ارقايسىسىنىڭ ارتىندا سىبايلاس جەمقورلىق سويقانىنىڭ سويىلىن سوعاتىندار تۇرعانى بەلگىلى. قازاقستان قالالارىنىڭ جولدارىندا «سەرگەك» كامەرالارىندا تىركەلەتىن ايىپپۇلدار اقشاسىنىڭ قايدا كەتىپ جاتقانى مۇلدەم تۇسىنىكسىز. ال ەگەر تاۋارلاردى تاڭبالاۋدىڭ بىرىڭعاي وپەراتورى بولىپ تانىلعان «قازاقتەلەكوم» اق توڭىرەگىن قازبالاساق، ونداعى مونوپوليست اكتسيالارىنىڭ 49%-ى جەكە قۇرىلىمدارعا تيەسىلى ەكەنىن اتاپ وتۋگە تۋرالى كەلەدى.

8 اقپاندا پرەزيدەنت ءبىرىنشى كەزەكتە مونوپوليامەن كۇرەسۋگە باعىتتالعان رەفورمالاردى، سونداي-اق ءارتۇرلى سالالاردى قولداۋعا ارنالعان باسقا شەشىمدەردى جۋىق ارادا جانە ەگجەي-تەگجەيلى تالقىلايتىنىن جاريالادى. مەملەكەت باسشىسى جاساندى تۇردە قۇرىلعان جەكە مونوپوليالارعا تالداۋ جاساپ، ۇكىمەتكە تەز ارادا مۇنداي قىزمەتكە زاڭ جۇزىندە تىيىم سالىنۋىن قامتاماسىز ەتۋدى تاپسىردى.

سونىمەن قاتار باسەكەلەستىكتى قورعاۋ جانە دامىتۋ جونىندەگى اگەنتتىككە قۇرىلىس نارىعىنداعى مونوپوليانى جويۋدىڭ ءتيىستى شارالار جيىنتىعىن ازىرلەۋ تاپسىرىلدى. پرەزيدەنت قۇرىلىس تەندەرلەرىن ۇنەمى جەڭىپ الىپ، ودان كەيىن جوبالاردى قوسالقى مەردىگەر كومپانيالارعا، ال ولار ءوز كەزەگىندە تاعى ءبىر قوسالقى مەردىگەر ۇيىمدارعا وتكىزەتىن كومپانيالاردى بىلەتىنىن اتاپ ءوتتى. مۇنداي سحەما، ارينە، جۇمىستاردىڭ قۇنىنا، ولاردىڭ ساپاسىنا دا تەرىس اسەر ەتەتىنى ءسوزسىز. پرەزيدەنت ءۇش جىل قاتارىنان مەملەكەتتىك ساتىپ الۋلار كەزىندە تەندەرلەردىڭ اشىقتىعىن كۇشەيتۋدى تالاپ ەتكەنىن، بىراق ناتيجەلەرى كوڭىل كونشىتپەيتىنىن مالىمدەدى.

قازاقستاندا جەكەلەگەن ەكونوميكالىق فۋنكتسيالاردى ىسكە اسىرۋعا جانە قىزمەتتەردى مونوپوليالىق باسىمدىقپەن كورسەتۋگە ۋاكىلەتتى، ەرەكشە قۇقىقتارعا يە 50-دەن استام نارىق سۋبەكتىسى بارى انىقتالدى. توقاەۆتىڭ ايتۋىنشا، جاقىن ارادا وسى كومپانيالاردىڭ كوپشىلىگىنە قاتىستى ماڭىزدى رەفورمالار جۇرگىزىلىپ، ناتيجەلەرى بويىنشا سۋبەكتىنى تاراتۋعا دەيىنگى شەشۋشى شارالار قابىلداناتىن بولادى. «قالاي بولعاندا دا، مونوپوليستەرگە قاتىستى ماسەلە شەشىلمەيىنشە، ەل ەكونوميكاسى ورلەۋ جولىنا باسپايدى، ال ىشكى ساياسي احۋال تەك ناشارلاي بەرەدى»، دەپ ەسەپتەيدى پرەزيدەنت.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار