«پريرتىشە» ولكەتانۋ قوعامىنىڭ زەرتتەۋىنە سەنسەك, بۇرىنعى زاۋىتتىڭ قالدىقتارى دالني كەنتىندە ورنالاسقان قالالىق مەتەوستانتسيا ماڭىندا تابىلعان.
«وتە ۇلكەن قۇرىلىم. ىشىندە شامامەن 20 ءبولىم بار, ياعني كىشكەنە پەشتەر. زاۋىتتا وت ارقىلى كىرپىش ءوندىرىسى جۇرگىزىلگەن. كىرپىش پاتشا كەزەڭىندە دە, كەڭەس داۋىرىندە دە بولعانعا ۇقسايدى. مۇمكىن زاۋىت پاتشا زامانىنان بەرى جۇمىس ىستەپ كەلەدى. پەش زاۋىتىنىڭ قۇرىلىسى سول ۋاقىتتاردا اياقتالعان. ودان كەيىن كەڭەيتىلگەن جانە قايتا جاڭارتىلعان», دەدى «ەرتىس ءوڭىرى» ولكەتانۋ قوعامىنىڭ توراعاسى مارات ساسانوۆ.
ولكەتانۋشى زاۋىت ورنالاسقان جەر شىمتەزەككە باي ەكەنىن اتاپ ءوتتى. شىمتەزەك كىرپىشتى جاعۋ ءۇشىن قولدانىلعان بولۋى مۇمكىن.
«بۇل ماڭدا قىزىقتى قۇبىر بار. ساركوفاگتىڭ ءوزى دوڭگەلەك تەسىك كىرپىشپەن قاپتالعان. بۇل جىلى اۋا شىعارۋ ءۇشىن سالىنعان قۇبىر بولۋى مۇمكىن. ءبىر قىزىعى, ءبارى كىرپىشپەن مۇقيات قاپتالعان», دەپ تولىقتىردى مارات ساسانوۆ.
ولكەتانۋشىلار وسى جازدا ەسكى كىرپىش زاۋىتىنا تاعى ءبىر رەت بارىپ, ونىڭ اۋماعىن ەگجەي-تەگجەيلى تەكسەرۋگە نيەتتى. ايانا توعانبەك ەۇۋ ستۋدەنتى
