«قازگيدرومەت» رمك بوجامى بويىنشا 20 اقپان كۇنى قازاقستاننىڭ بارلىق اۋماعى انتيتسيكلوننىڭ ىقپالىندا بولادى, وسىعان بايلانىستى جاۋىن-شاشىنسىز اۋا رايى ساقتالادى. تەك رەسپۋبليكامىزدىڭ باتىسى تسيكلون ىقپالىندا بولىپ, سالدارىنان جاۋىن-شاشىن (قار ارالاس جاڭبىر), كوكتايعاق بولادى, جەلدىڭ كۇشەيىپ, رەسپۋبليكامىز بويىنشا كەي جەرلەردە تۇمان تۇسەدى.
جامبىل وبلىسىنىڭ سولتۇستىگىندە, تاۋلى اۋداندارىندا, قىزىلوردا وبلىسىنىڭ ورتالىعىندا, قوستاناي وبلىسىنىڭ باتىسىندا, سولتۇستىگىندە, تۇركىستان وبلىسىنىڭ سولتۇستىگىندە, ماڭعىستاۋ وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەدى.
اتىراۋ وبلىسىنىڭ باتىسىندا, شىعىسىندا جانە ورتالىعىندا تۇمان ءتۇسىپ, كوكتايعاق بولادى دەپ كۇتىلەدى.
باتىس قازاقستان وبلىسىندا سولتۇستىك-باتىستا, سولتۇستىگىندە – كوكتايعاق, 15-20 م/س دەيىن جەل كۇشەيەدى, باتىستا, سولتۇستىگىندە – تۇمان.
الماتى وبلىسىنىڭ الاكول كول اۋدانى اۋماعىندا جەلدىڭ جىلدامدىعى 18-23 م/س جەتەدى.
