«وتاندىق كاسىپكەرلەر كەڭەسىمەن بىرگە ينۆەستيتسيالىق احۋالدى جانە بيزنەس ورتانى ءارى قاراي جاقسارتۋعا باعىتتالعان شارالار ىسكە اسىرىلادى. سونداي-اق ينۆەستيتسيالىق ساياساتتىڭ جاڭا تۇجىرىمداماسى ازىرلەندى. وندا نەگىزىنەن جەكە ينۆەستيتسيالارعا باسىمدىق بەرىلەدى. بىزگە ەلىمىزدىڭ ەكونوميكاسىن قالپىنا كەلتىرۋ مەن دامىتۋدىڭ درايۆەرى بولاتىن جوبالار قاجەت», دەدى ءاليحان سمايىلوۆ «اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس ءىح سەزىندە.
سونداي-اق ۇكىمەت باسشىسى قازاقستاندىق بيزنەستى ۇلتتىق ەكونوميكاعا بەلسەندى تۇردە ينۆەستيتسيا سالۋعا شاقىردى.
«ال مەملەكەت ءوز كەزەگىندە جەكەمەنشىكتىڭ جانە زاڭ ۇستەمدىگىنىڭ تۇراقتىلىعىنا كەپىلدىك بەرۋى ءتيىس. ينفراقۇرىلىم بيزنەستىڭ بارىنە بىردەي قولجەتىمدى بولۋى قاجەت», دەيدى ول.
