بەيسەنبىدەن باستاپ دۇكەندەرگە, مەيرامحانالارعا, مادەني مەكەمەلەرگە جانە ءىس-شارالارعا بەتپەردەسىز نەمەسە COVID سەرتيفيكاتىنسىز بارۋعا بولادى. سونداي-اق جۇمىس ورنىندا ماسكالاردى مىندەتتى تۇردە كيۋ جانە ۇيدەن جۇمىس ىستەۋ تۋرالى ۇسىنىمدار الىنىپ تاستالاتىنى الدىن الا حابارلانعان.
سونىمەن قاتار شۆەيتسارياعا كەلەتىن ادامدارعا ۆاكتسينا سالدىرعانى, اۋرۋ نەمەسە كوروناۆيرۋسقا تەرىس سىناق تۋرالى راستاۋ قۇجاتى قاجەت ەمەس.
ودان بولەك 31 ناۋرىزعا دەيىن قوعامدىق كولىكتەردە قورعانىس قۇرالدارىن پايدالانۋ جانە وڭ COVID-19 سىناعى بار ادامدار ءۇشىن بەس كۇندىك وقشاۋلاۋ تۋرالى تالاپ كۇشىنە ەنەتىنى اتاپ ءوتىلدى. شۆەيتساريانىڭ قالىپتى ومىرگە قايتا كەلۋ ءۇشىن شەشۋشى ءارى ماڭىزدى قادام جاسايتىنى ايتىلدى.
ەل ۇكىمەتى سونىمەن بىرگە بەرندەگى ءباسپاسوز ءماسليحاتىندا شۆەيتساريادا جيىنداردىڭ كولەمىنە ەشقانداي شەكتەۋلەر بولمايتىنىن مالىمدەدى, ال ءىرى ءىس-شارالار ءۇشىن بۇدان بىلاي رۇقسات الۋدىڭ قاجەتى جوق.
