قازاقستان • 18 اقپان، 2022

اقيقات ايتىلىپ، ادىلدىك ورنايدى

147 رەت كورسەتىلدى

مەملەكەت باسشىسىنىڭ «Qazaqstan» ۇلتتىق تەلەارناسىنا قازاق تىلىندە بەرگەن سۇحباتىن قىزىعا تىڭداپ، بەلگىلى تەلەجۋرناليست جاينا سلامبەكقىزىنىڭ كوپشىلىكتىڭ كوكەيىندە جۇرگەن كۇردەلى ساۋالداردى پرەزيدەنتكە وتكىر قويعانىنا جانە ولاردىڭ بارىنە قاسىم-جومارت توقاەۆتىڭ بۇكپەسىز دە بايسالدى جاۋاپ بەرگەنىنە ريزا بولدىق.

مەملەكەت باسشىسى نەگىزگى تاقىرىپ – «قاسىرەتتى قاڭتار» جايىندا ايتا كەلىپ، بەيبىت ميتينگتەردى ەلىمىزدە ادىلدىك ورناتۋ ماقساتىندا قولعا الىنعان رەفورمالارعا قارسى كۇشتەر ءوز مۇددەلەرىنە پايدالانۋعا تىرىسىپ، وزدەرى  ادەيى دايىنداعان قارۋلى قاراقشىلاردى قاندى قىلمىسقا جۇمساعاندىعىن ايتتى. «تەرگەۋ جۇمىستارى وتە اۋقىمدى. ونىڭ ناتيجەسى تۋرالى ايتۋعا ءالى ەرتە. بىراق كوپ ۇزاماي، حالىقتىڭ بارلىق سۇراقتارىنا جاۋاپ بەرىلەدى. ءاربىر ءىس مۇقيات قارالىپ، اقيقاتقا جەتۋىمىز كەرەك. مۇنداي قايعىلى وقيعا ەندى قايتالانباۋى ءۇشىن قاراقشىلار جازاسىز قالماۋى قاجەت. تەرگەۋ بارىسىنداعى ازاپتاۋ ماسەلەسىنە كەلسەك، «شاش ال دەسە، باس الاتىن» ارەكەتتەرگە جول بەرۋگە بولمايدى. قازىر بەلگىلى زاڭگەرلەردەن قۇرىلعان كوميسسيا جۇمىس ىستەۋدە»، دەگەن پرەزيدەنت پىكىرىمەن كەلىسپەۋ قيىن. 

الەۋمەتتىك جەلىلەردە سىن ساعاتتا ەلىمىزگە ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرشىلىك كونتينگەنتى ەنگىزىلگەنىنە بايلانىس­تى شىندىققا جاناسپايتىن پىكىرلەر جاريالانىپ جاتقانىنان حاباردار ەكەنىن ايتقان قاسىم-جومارت توقاەۆ «قازاقستان رەسەيگە بورىشتار بولىپ قالدى، ەلىمىز تاۋەلسىزدىگىنەن ايىرىلدى» دەگەن سوزدەردىڭ نەگىزسىزدىگىن جانە ۇقشۇ بىتىمگەرلەرىنىڭ بىردە-ءبىر وق اتپاعانىن اشىق مالىمدەگەنى دە ءجون بولدى.

مەملەكەت باسشىسىنىڭ وليگوپوليا تۋرالى سۇراققا دا تۋرا جاۋاپ بەرىپ، سانى شەكتەۋلى ادامداردىڭ ەل ەكونوميكاسىندا ۇستەمدىك قۇرعان­دىعىمەن كەلىسۋگە بولمايتىندىعىن، قوعامدا ادىلەتتىلىك ورناتۋعا كەدەرگى بولىپ وتىرعان بۇل ماسەلەنى ءبىرجولا شەشۋ قاجەتتىگىن ايتقاندىعى دا پرەزيدەنتىمىزدىڭ ءوزى ۇستانعان باعىتىنان تايماي، باتىل ءىس-قيمىلعا كوشكەنىن  اڭعارتتى.

ەلدەن زاڭسىز شىعارىلعان قارجىنى قايتارۋ ماسەلەسى دە كوپشىلىك كوكەيىندە جۇرگەن وزەكتى جايت ەكەنى ءمالىم. وسى جونىندە مەملەكەت باسشىسى ۇكىمەتكە ەكى اي ىشىندە ناقتى ۇسىنىستار ازىرلەۋدى تاپسىرعان بولاتىن. «بۇل – وتە كۇردەلى جانە ۇزاق ۋاقىت الاتىن جۇمىس. بىراق ادىلدىككە جەتۋ ءۇشىن ءبىز وسىنى ىستەۋىمىز قاجەت»، دەدى پرەزيدەنت ءجۋرناليستىڭ سۇراعىنا وراي. 

بۇل سۇحبات پرەزيدەنتىمىزدىڭ ءاردايىم ءوز حالقىمەن بىرگە ەكەنىن، ەلىمىزدىڭ تاۋەلسىزدىگىن ساقتاۋ، ادىلەتتى قوعام ورناتۋ ماقساتىن باستى مۇراتى سانايتىندىعىن، انا ءتىلىن ارداق تۇتاتىنىن تاعى ءبىر ايعاقتاپ بەردى. 

سوڭعى جاڭالىقتار

دوللار باعامى قايتا ءوستى

قارجى • بۇگىن، 15:53

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

ۇقساس جاڭالىقتار