مەملەكەت باسشىسى جۋرناليست جاينا سلامبەكتىڭ شەتەلگە زاڭسىز شىعارىلعان قاراجاتتى قايتارۋ مەرزىمى تۋرالى ساۋالىنا بەرگەن جاۋابىندا ۇكىمەتكە بەرىلگەن تاپسىرمانىڭ ورىندالۋى ءتيىس جۇيەسىن جەتكىزدى.
«مەن ۇكىمەتكە ءتيىستى تاپسىرما بەردىم. بۇل ماسەلە بويىنشا ۇكىمەت ەكى ايدان كەيىن ماعان ناقتى ۇسىنىستارىن ايتادى. سودان كەيىن جۇمىس باستالادى. اتالعان ماسەلە بويىنشا اۋقىمدى ساراپتاما جاساۋ كەرەك. ونسىز بولمايدى. سودان كەيىن شەتەلدەگى ءتيىستى مەكەمەلەرمەن كەلىسسوزدەر جۇرگىزۋگە كىرىسەمىز. بۇل وتە كۇردەلى ءارى ۇزاق ۋاقىتقا سوزىلاتىن جۇمىس بولاتىن سياقتى. ونى اشىق ايتقان ءجون. بىراق ادىلدىككە جەتۋ ءۇشىن وسى جۇمىستى باستاۋ كەرەك. شەتەلگە زاڭسىز شىعارىلعان قاراجاتتى ەلگە قايتارۋعا ءتيىسپىز», دەدى قاسىم-جومارت توقاەۆ.
