مەملەكەت باسشىسى قاڭتار وقيعاسىنداعى قاراقشى, لاڭكەستەردىڭ الماتىعا سىرتتان كەلگەنىن, ولاردىڭ ماقساتى كىسى ءولتىرۋ, قورقىتۋ, دۇكەندەردى توناۋ, ايەلدەردى زورلاۋ, اقىر سوڭىندا بيلىكتى قۇلاتۋ بولعانىن باسا ايتتى. سونداي-اق ول قاراقشىلاردىڭ بيلىككە نەگە قارسى شىققانىن دا ايتىپ ءوتتى.
– ماسەلە مىنادا: توڭكەرىسشىلەر ەلىمىزدە قولعا الىنعان رەفورمالارعا كەدەرگى كەلتىرۋگە تىرىستى. ءتىپتى پرەزيدەنتكە دە قارسى بولدى. وزگەرىستەر ولاردىڭ مۇددەلەرىنە ءتيىمدى ەمەس ەدى. ويتكەنى, رەفورمالاردىڭ باستى ماقساتى – ادىلەتتى قوعام ورناتۋ, مونوپوليالاردى جويۋ, ساياسي ترانسفورماتسيا جاساۋ, ەلىمىزدىڭ ەكونوميكالىق دامۋىن جەدەلدەتۋ. حالىق تا وسىنى تالاپ ەتىپ وتىر. سوندىقتان, باعىتىمىزدى وزگەرتپەيمىز, رەفورمالار مىندەتتى تۇردە ءوز جالعاسىن تابادى, دەدى پرەزيدەنت.
