ءتىپتى قۇرامىنا ادام قۇقىقتارى جونىندەگى ۋاكىل مەن زاڭگەرلەر ەنگەن قوعامدىق كوميسسيا ماسەلەنىڭ ءمانىسىن زەرتتەۋگە كىرىسىپ كەتكەنىن دە اتاپ ءوتتى. ولار ءاربىر ءىستىڭ زاڭدىلىعىن مۇقيات زەردەلەمەك. پرەزيدەنت ءوز سوزىندە قوعامدىق كوميسسيانىڭ جۇمىسىنا بيلىكتىڭ دە, قۇقىق قورعاۋ ورگاندارىنىڭ دا ارالاسپايتىنىن تىلىنە تيەك ەتتى.
ء«يا, بۇل ماسەلە جونىندە جاقسى بىلەمىن. كەيبىر ازاماتتارىمىز مەنىڭ اتىما بەينە ۇندەۋ جازىپ, الەۋمەتتىك جەلىلەردە تاراتىپ جاتىر. مۇنى دا ءبىلىپ وتىرمىن. وسىعان بايلانىستى مەن ىشكى ىستەر مينيسترلىگى مەن باس پروكۋراتۋراعا ارنايى تاپسىرما بەردىم. «شاش ال دەسە, باس الاتىن» ارەكەتتەرگە جول بەرۋگە بولمايدى. قوعامدىق كوميسسيالار ءوز جۇمىسىنا كىرىسىپ كەتتى. ادام قۇقىقتارى جونىندەگى ۋاكىل ەلۆيرا ءازىموۆا, بەلگىلى قۇقىق قورعاۋشىلار: ايمان وماروۆا, جەمىس تۇرماعامبەتوۆا, ابزال قۇسپان جانە باسقا دا زاڭگەرلەر جينالىپ, ارنايى كوميسسيالار قۇردى. ولار ءار ءىستىڭ زاڭدىلىعىن قاراپ جاتىر. قوعامدىق كوميسسيالارعا سەنىمسىزدىك كورسەتۋگە ەشقانداي سەبەپ تە, حاقىمىز دا جوق. بيلىك تە, قۇقىق قورعاۋ ورگاندارى دا جۇمىستارىنا ارالاسپايدى. مەن دە ارالاسپايمىن», دەدى پرەزيدەنت.
سونداي-اق پرەزيدەنت قۇقىق بۇزۋشىلىق دەرەكتەرى جازاسىز قالمايتىنىن دا ءسوز ەتتى.
ء«اربىر قۇقىق بۇزۋشىلىق دەرەگى بويىنشا شارالار قابىلدانادى. كىنالى ادامدار جازاعا تارتىلادى. مەن ءۇشىن ازاماتتارىمىزدىڭ قۇقىعى اسا ماڭىزدى. اسىرەسە, قازىرگى تاڭدا مۇنى ەڭ ماڭىزدى ماسەلە دەپ ايتۋعا بولادى. ءاربىر ءىس بويىنشا ءادىل شەشىم شىعارۋ مەن ءۇشىن نەگىزگى پرينتسيپ بولىپ تابىلادى», دەدى پرەزيدەنت ماسەلەنىڭ مانىسىنە تەرەڭىرەك ءۇڭىلىپ.
