«بولاشاقتا سنيۋستەرگە تىيىم سالۋ سەكىلدى ۆەيپتەردىڭ اينالىمىنا قاتاڭ تىيىم سالۋ, سونداي-اق قىزدىرىلعان تەمەكى مەن ونى تۇتىنۋ قۇرىلعىلارىنان ونىڭ كادىمگى تەمەكىگە تولىق تەڭەستىرىلۋىنە بايلانىستى اكتسيزدەردى جيناۋدى ارتتىرۋ قاجەت», دەپ اتاپ ءوتتى ج.قالماقوۆا.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ قولدانىستاعى مەملەكەتتىك باقىلاۋ شارالارى مەن زاڭنامالىق تەتىكتەردىڭ كومەگىمەن حالىق اراسىندا تەمەكى شەگۋگە قارسى كۇرەستەگى ەلەۋلى پروگرەسكە نازار اۋدارادى. وسىلايشا, 2009 جىلى قابىلدانعان جانە 2020 جىلى كۇشەيتىلگەن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىن ەنگىزۋمەن تەمەكىنى باقىلاۋ جونىندەگى بىرقاتار مەملەكەتتىك شارا قازاقستاندا تەمەكى تۇتىنۋدىڭ شامامەن 7 پايىزعا تومەندەۋىنە الىپ كەلدى.
وسىلايشا, ورتالىق مالىمەتتەرى بويىنشا, ەگەر 2007 جىلى قازاقستاندىقتاردىڭ شامامەن 27%-ى تەمەكى شەگۋگە اۋەس بولسا, 2019 جىلى تەمەكى شەگۋ ەرەسەك تۇرعىندار اراسىندا 20,4%-عا دەيىن تومەندەدى. قازىر بۇل جامان ادەتتەن ەرلەردىڭ 36,5%-ى جانە ايەلدەردىڭ 6%-ى زارداپ شەگەدى.
2014 جانە 2019 جىلعى GATS (ددۇ عالامدىق زەرتتەۋى) زەرتتەۋلەرىنە سايكەس, تەمەكى شەگۋشىلەر سانى ەرلەر اراسىندا 14%-عا ايتارلىقتاي تومەندەگەن.
GATS ساۋالداماسىنىڭ دەرەكتەرى بويىنشا, قازاقستاندىقتاردىڭ 70%-دان استامى تەمەكى شەگۋگە تىيىم سالۋدى جانە تەمەكى تۇتىنىنەن بوس ورتا قۇرۋ جونىندەگى شارالاردى قولدايدى. ونىڭ اسەرى 2014 جىلدان 2019 جىلعا دەيىن كوللەدجدەردە, ۋنيۆەرسيتەتتەردە جانە مەديتسينالىق مەكەمەلەردە 70%-دان استام, ۇكىمەتتىك عيماراتتاردا جانە قوعامدىق كولىكتەردە – 50%, ءۇي ىشىندەگى جۇمىس ورىندارىندا 40%-عا تومەندەدى, ال بارلار مەن تۇنگى كلۋبتاردا تەمەكى ءتۇتىنىنىڭ اسەرى 11,3%-عا ءوستى.
