شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, «التاي-مالەەۆسك-پۋتينتسەۆو» جولىندا ەكى رەت كوشكىن ءجۇردى. 250 جانە 300 تەكشە مەتر قار كوشكىنى جولدى تولىقتاي جاۋىپ قالعان.
«ابىروي بولعاندا, زارداپ شەككەن ەشكىم جوق. قازىرگى ۋاقىتتا جول قاردان تولىقتاي تازارتىلىپ, كولىك قوزعالىسى قامتاماسىز ەتىلدى», دەپ حابارلادى ۆەدومستۆو وكىلدەرى.
وسى رەتتە, قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرۋعا كەڭەس بەردى.
