وتىرىسقا پارلامەنت ءماجىلىسىنىڭ دەپۋتاتتارى قاتىستى.
اگەنتتىكتىڭ قوعامدىق كەڭەسىنىڭ مۇشەلەرى جاقىندا قابىلدانعان 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگىزگى باعىتتارىمەن تانىستى, پارلامەنت ءماجىلىسىنىڭ قاراۋىندا جاتقان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن (بۇدان ءارى – زاڭ جوباسى) تالقىلادى. تالقىلاۋ بارىسىندا قوعامدىق كەڭەس مۇشەلەرى مەن شاقىرىلعاندار بىرقاتار ۇسىنىستار ەنگىزىپ, تۋىنداعان سۇراقتارعا تولىق جاۋاپتار الدى.زاڭ جوباسىنىڭ نەگىزگى نوۆەللاسى نەگىزسىز بايۋ ءۇشىن جاۋاپكەرشىلىكتى بەلگىلەي وتىرىپ, مەملەكەتتىك قىزمەتشىلەر مەن ولارعا تەڭەستىرىلگەن ادامدار شىعىستارىنىڭ ولاردىڭ تابىستارىنا سايكەستىگىن باقىلاۋدى ەنگىزۋ بولىپ تابىلادى. مەملەكەتتىك قىزمەتشىلەردىڭ كىرىستەرىن باقىلاۋ تەتىگى ەىدۇ (ەكونوميكالىق ىنتىماقتاستىق جانە دامۋ ۇيىمى), شىعىس ەۋروپا جانە تمد بىرقاتار ەلدەرىندە ءتيىمدى جۇمىس ىستەيدى.
زاڭنامالىق تۇزەتۋلەردىڭ تاعى ءبىر ماڭىزدى بلوگى سىبايلاس جەمقورلىق فاكتىلەرى تۋرالى حابارلايتىن نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى قورعاۋدى كۇشەيتۋگە باعىتتالعان. سىبايلاس جەمقورلىق فاكتىلەرى تۋرالى حاباردار ەتۋ دەڭگەيى ءسوزسىز جوعارى بولادى دەپ كۇتىلۋدە, ويتكەنى مەملەكەت سىبايلاس جەمقورلار تاراپىنان ىقتيمال قۋدالاۋدان قورعاۋدىڭ كەپىلدى قۇقىقتىق قۇرالدارىن قامتاماسىز ەتەتىن بولادى. بۇل وزىق حالىقارالىق ستاندارتتار سىبايلاس جەمقورلىققا قارسى ءىس-قيمىلدىڭ تيىمدىلىگىن ارتتىرۋدا ەلەۋلى قادام بولادى جانە ەلەۋلى پروفيلاكتيكالىق اسەرگە يە بولادى.
