قىلمىستىق توپتىڭ ۇستالعان 6 مۇشەسىنىڭ الماتى ءوڭىرى اۋماعىنداعى بىرقاتار قىلمىستارعا (قورقىتىپ الۋ, قاراقشىلىق, وزبىرلىق, بۇزاقىلىق, كاسىپكەرلەرگە كريمينالدىق قامقورلىق, مال ۇرلىعى) قاتىسى بارى انىقتالىپ وتىر.
كۇدىكتىلەردى ۇستاۋ جانە تۇرعىلىقتى جەرلەرىن ءتىنتۋ بارىسىندا 4 بىرلىك اتىس قارۋى, 177 وق-ءدارى, 7 گراناتا, ارنايى قۇرالدار, سونداي-اق قاڭتارداعى جاپپاي تارتىپسىزدىك كەزىندەگى مارودەرلىككە قاتىسقاندارىن راستايتىن زاتتار راديوستانتسيالار, «پر» دۋبينكالارى, بروندى كەۋدەشە تاركىلەندى.
ۇستالعاندار قاجد 8-تي جانە ۇقك الماتى ق. بويىنشا دەپارتامەنتىنىڭ تەرگەۋ يزولياتورلارىنا قامالدى. قر قك 287-بابىنىڭ 3 جانە 4-بولىكتەرى اتىس قارۋىن, وق-دارiلەردi, جارىلعىش زاتتاردى نەمەسە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ بويىنشا قىلمىستىق ىستەر قوزعالدى.
تەرگەۋ-جەدەل ءىس-شارالارى كەشەنىنىڭ ناتيجەسىندە توپ مۇشەلەرى ۇقت مۇشەلەرىنە تيەسىلى قارۋى بار «كومبەلەردى» كورسەتۋگە ويىستى.
الماتى وبلىسى ەڭبەكشىقازاق اۋدانىندا ەكى «كومبە» انىقتالىپ, ولاردان 44 بىرلىك اتىس قارۋى جانە 3 بىرلىك سۋىق قارۋ, سونداي-اق 20 بىرلىك وق-دارىلەر الىندى.
الىنعان قارۋ-جاراقتى, سونداي-اق ولاردى قاڭتار وقيعالارىندا قولدانۋدى سايكەستەندىرۋ بويىنشا ءىس-شارالار جۇرگىزىلىپ جاتىر.
جەدەل-تەرگەۋ ءىس-شارالارى جالعاسۋدا.
