«كيليان مباپپە مەن ەرلينگ حوللاندتىڭ تالانتتى فۋتبولشىلار ەكەندىگىنە داۋ جوق. ەكى جىگىتتىڭ شەبەرلىگى دە جوعارى. الايدا الداعى جىلداردا ولاردىڭ دەڭگەيىنەن كەم تۇسپەيتىن كوپتەگەن فۋتبولشىلار جاسىنداي جارقىراۋى ىقتيمال. ءوز باسىم بۇل ەكى فۋتبولشىنىڭ كريشتيانۋ رونالدۋ مەن ليونەل مەسسي سەكىلدى 12 جىل بويى الەم فۋتبولىنىڭ كوشباسشىسى بولاتىندىعىن ەلەستەتە المايمىن. الداعى 10 جىلدىڭ بەدەرىندە جاھاننىڭ ۇزدىگى اتاعىنا لايىقتى كوپتەگەن فۋتبولشىلار شىعاتىندىعىنا سەنىمدىمىن. كيليان مباپپە ەكى اياعىمەن دە كەرەمەت وينايدى. ونىڭ بويىندا تەرري انريگە ۇقساس قاسيەتتەر وتە كوپ. كيلياننىڭ فۋتبول تاريحىنا ءوز اتىن التىن ارىپتەرمەن جازاتىندىعىنا كۇمانىم جوق. ەرلينگ حوللاند تا الەم ۇزدىكتەرىنىڭ بىرىنە اينالا الادى. كەيدە ول باياۋ قيمىلدايتىنداي كورىنەدى. ونىڭ ءبارى الدامشى. شىن مانىندە ەرلينگ شاپشاڭ قيمىلدايتىن جىگىت. شەبەرلىگى دە ءبىر باسىنا جەتەدى», دەيدى ول.
