«مەملەكەتتىك شىعىستاردىڭ الەۋمەتتىك-ەكونوميكالىق اسەرىن تالداۋعا قاتىستى مۇددەلى مەملەكەتتىك ورگاندار مەن ۇيىمداردىڭ قاتىسۋىمەن ۆەدومستۆوارالىق جۇمىس توبى قۇرىلادى», دەدى ەرۇلان جاماۋباەۆ ۇكىمەت وتىرىسىندا.
مينيستر جول كارتاسى قابىلداناتىنىن قوسا ايتتى. وندا بيۋدجەت شىعىستارىن باعالاۋ قۇرالدارىن كەڭەيتۋ, شىعىستاردى شولۋ تەتىگىن ەنگىزۋ جانە قاراجاتتى ءبولۋ باسىمدىقتارىن ايقىنداۋ كوزدەلەتىن بولادى.
«قازىرگى ۋاقىتتا 80 شارا مەن 9 مەملەكەتتىك جانە سالالىق باعدارلامانى قامتيتىن بولىنگەن مەملەكەتتىك قولداۋ شارالارىنىڭ مونيتورينگ جۇيەسى ىسكە قوسىلدى. جۇيە مەملەكەتتىك قولداۋ شارالارىن العانعا دەيىن جانە ودان كەيىن سۋبەكتىنىڭ قارجىلىق-ەكونوميكالىق تيىمدىلىگىن انىقتاۋعا, شىعىستاردى سالىق تۇسىمدەرى تۇرىندەگى كىرىستەرمەن سالىستىرۋعا, سونداي-اق جۇمىس ورىندارىن قۇرۋعا جانە ەڭبەكاقى تولەۋ قورىن ارتتىرۋعا تالداۋ جاساۋعا مۇمكىندىك بەرەدى. اتالعان جۇيەنى قۇرۋ بويىنشا جۇمىس ناتيجەلەرى جاڭا ادىستەمەنى ازىرلەۋ كەزىندە ەسكەرىلەتىن بولادى», دەپ تۇيىندەدى ەرۇلان جاماۋباەۆ.
