مەديتسينا • 15 اقپان، 2022

تۇقىم قۋالايتىن كەسەل

74 رەت كورسەتىلدى

دەنى ساۋ ادام اتىن ەستىمەگەن دەرت تۇرلەرى كوپ. دامىلسىز دامۋ ۇستىندەگى مەديتسينانىڭ مىندەتى دە – سيرەك كەزدەسەتىن كەسەلدەرگە دەر كەزىندە دياگنوز قويىپ، دۇرىس ەم-دوم جۇرگىزۋ. وتكەن اپتادا ورفاندىق جۇيكە-بۇلشىقەت كەسەلدى پاتسيەنتتەردى ەمدەۋ ماسەلەلەرى انەستەزيولوگ-رەانيماتولوگ، بالالار نەۆرولوگتەرى مەن پۋلمونولوگتەرىنىڭ باسىن قوستى.

الماتىداعى №2 قالالىق بالالار كلينيكالىق اۋرۋحاناسىندا ۇيىم­داس­تىرىلعان سەمينارعا «ورفان­دىق جۇيكە-بۇلشىقەت كەسەلى بار پاتسيەنتتەرگە جەلدەتىپ (ۆەنتيليا­تسيا­لىق) كو­مەك بەرۋ» تاقىرىبى ارقاۋ بولدى. سەمينار تەك وقىتۋ، ەمدەۋگە عانا ەمەس، سونىمەن قاتار ناۋقاستاردى وڭال­تۋعا دا ارنالدى.

سيرەك كەزدەسەتىن كەسەلدى ساپالى ەمدەۋ ماسەلەلەرى تالقىلانعان سە­مي­ناردى وتكىزۋگە دەنساۋلىق ساق­تاۋ مينيسترلىگى، جۇيكە-بۇلشىق­ەت اۋرۋ­لارىنىڭ كوپسالالى قۇزى­رەت­تى­لىك ورتالىعى، استانا مەديتسينا ۋني­ۆەرسيتەتى، قازاقستان-رەسەي مەدي­تسي­نالىق ۋنيۆەرسيتەتى، №2 قالا­لىق بالالار كلينيكالىق اۋرۋحا­نا­سى، «ومىرگە سەن» قوعامدىق قورى جانە «بالالار نەۆرولوگتەرى، نەيروفيزيولوگتەر، پسيحياترلەر مەن پسيحوتەراپەۆتتەر» قوعامى اتسالىس­تى.

رەسەيدىڭ موروزوۆ اتىنداعى بالالار كلينيكالىق اۋرۋحاناسىنىڭ انەستەزيولوگيا جانە رەانيماتسيا جونىندەگى باس دارىگەرىنىڭ ورىنباسارى، مەديتسينا عىلىمدارىنىڭ كانديداتى الەكساندر نيكوليشين قازاقستان جانە رەسەي دارىگەرلەرى مەديتسينانىڭ جوعارى تەحنولوگيالار مەن زاماناۋي كومەك كورسەتۋ ادىستەرىنە قول جەتكىزۋى ءۇشىن قولدان كەلگەننىڭ ءبارىن جاساپ جاتقانىن اتاپ ءوتتى.

تۇقىم قۋالايتىن جۇيكە-بۇل­شىق­­ەت اۋرۋلارى (تقجبا) گەنەتي­كا­لىق اۋرۋلاردىڭ ۇلكەن توبى ەكەنىن اتاپ وتكەن ءجون. بۇل دەرتتىڭ اسقىنىپ كەتۋ قاۋپى جوعارى، ونداي جاعدايدا ناۋ­­قاس­تاردىڭ جاعدايى ناشارلاپ، ءومىرى قىسقارىپ، ءتىپتى ونىڭ سالدارى قايعىلى جاعدايلارعا جەتكىزەدى.

سوندىقتان مۇنداي پاتسيەنتتەردى باسقارۋدىڭ ەڭ ءتيىمدى ءادىسى مۋلتي­ديس­تسيپلينارلىق قولداۋ. تىنىس الۋدى قامتاماسىز ەتۋ – تقجبا بار ناۋقاس­تار­دى ەمدەۋ مەن وڭالتۋدىڭ نەگىزگى با­عىتتارىنىڭ ءبىرى.

سەمينار بارىسىندا وتاندىق ماماندار، پۋلمونولوگتەر تەوريالىق ءبىلىم مەن تاجىريبەلىك داعدىلارعا يە بولدى. ءاربىر سەسسيا پىكىرتالاس جانە تالقىلاۋمەن ءوتتى. ەڭ باستىسى، دارى­گەر­لەر ج ۇلىن بۇلشىق ەتىنىڭ اتروفيا­سى بار پاتسيەنتتىڭ مىسالىندا تىنىس الۋدى قولداۋ جانە قوسالقى جەلدەتۋ اپپاراتىن قولداندى.

 

الماتى

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار