قوعامدىق مارتەبە سەناتتا قولداۋ تاپتى

كەشە سەنات توراعاسى قاسىم-جومارت توقاەۆتىڭ توراعالىعىمەن پالاتانىڭ كەزەكتى پلەنارلىق وتىرىسى بولىپ, كۇن تارتىبىندە سەگىز ماسەلە قارالدى. سولاردىڭ العاشقى ەكەۋى ەلىمىزدىڭ تۇڭعىش پرەزيدەنتى ن.ءا.نازارباەۆتىڭ قوعامدىق مارتەبەسىن ەلباسى رەتىندە زاڭنامالىق بەكىتۋگە قاتىستى بولدى. بۇعان دەيىن ءماجىلىس تاراپىنان قول­داۋ تاپقان “قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قا­زاقستان رەسپۋبليكاسى تۇڭعىش پرەزي­دەنتى­نىڭ – ەلباسىنىڭ قىزمەتىن قامتا­ماسىز ەتۋ سالاسىندا زاڭنامانى جەتىلدىرۋ ماسەلەلەرى بويىنشا وزگەرىستەر مەن تو­لىقتىرۋلار ەنگىزۋ تۋرالى” كونستيتۋ­تسيا­لىق زاڭنىڭ جوباسى مەن “قازاقستان رەس­پۋبليكاسىنىڭ كەيبىر زاڭنامالىق اكتى­لە­ر­ى­نە قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ قىزمەتىن قامتاماسىز ەتۋ سالاسىندا زاڭنامانى جە­تىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جو­باسىن ء(بىرىنشى وقىلىم) ءماجىلىس دەپۋ­تاتى روزاقۇل حالمۇرادوۆ تانىستىردى. زاڭ جوباسى باستاماشىلارىنىڭ ءبىرى حالىقارالىق قوعامداستىق قاشاندا ۇلتتى, حالىقتى وزىق تۇلعالارى ارقىلى تاني­تىندىعىن العا تارتتى. ولاي بولسا, قازاق ەلىن, قازاق جەرىن, تاۋەلسىز قازاق مەم­لە­كەتىن الەمگە تانىتقان تۇڭعىش پرەزيدەنت ن.نازارباەۆ. تالاي قيىندىق پەن قىل كوپىردەن اۋپىرىمدەپ حالقىن امان الىپ ءوتىپ, ءوزى قۇرعان مەملەكەتتى جەتەلەپ, الەم­نىڭ وزىق ەلدەرىنىڭ قاتارىنا قوسا باس­تا­عانى تەڭدەسى جوق ەرلىك, الەمدىك قوعام­داستىق الدەقاشان مويىنداعان اقيقات, دەپ سانايدى روزاقۇل ساتىبالدى ۇلى. بايانداما اياقتالىسىمەن سەناتورلار زاڭ جوبالارىنا قاتىستى پىكىرلەرىن ورتاعا سالدى. ورىنباي راحمانبەرديەۆ كەڭەس وداعى ىدىراعاننان كەيىنگى وتپەلى كەزەڭنىڭ قيىندىقتارىن تىلگە تيەك ەتە كەلىپ, بىلاي دەدى: “وسىنداي قيىن-قىستاۋ جاعدايدا, سىن ساعاتتاردا ەلىمىزدىڭ باعىنا وراي بيلىكتە ۇلكەن تۇلعا تۇردى. “حالىقتى جاسايتىن تاريح, تاريحتى جاسايتىن جەكە تۇلعالار” دەگەن قاعيدالى ءسوز بار. قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆ وسىنداي تۇلعالاردىڭ ءبىرى دە بىرەگەيى”. بۇدان كەيىن ءسوز العان يران ءامىروۆ مەملەكەتىمىزدىڭ ىشكى جانە حالىقارالىق جەتىستىكتەرى تۇڭعىش پرەزيدەنتتىڭ دارا تۇل­عاسىمەن بايلانىستى ەكەندىگىنە ەرەك­شە توقتالدى. “قازاقستان رەسپۋب­لي­كا­سى­نىڭ پرەزيدەنتى دوستاستىق ەل­دە­رى ىشىندە “ايگىلى ساياساتكەر” دەپ تانىلدى. نۇرسۇل­تان نازارباەۆ زاڭدى تۇردە قازىرگى زامان كوشباسشىسىنىڭ ەتالونىنا اينالدى. ونىڭ بويىندا زياتكەر­لىك-جاڭاشىلدىق, ۇلتتىق بەدەل بار”, دەدى سەناتور. ءناتي­جە­سىندە نەگىزگى زاڭ جوباسى تۇتاستاي قولداۋ تاۋىپ, ىلەسپە زاڭدىق قۇجات ەكىنشى وقى­لىمدا قاراۋ ءۇشىن كۇن تارتىبىنە ەنگىزىلىپ بارىپ قابىلداندى. وسى رەتتە سەناتورلار دا, سەنات ءتور­اعا­سى دا زاڭ جوبالارىنىڭ ماڭىزىن ەرەك­شە اشىپ كورسەتتى. تۇڭعىش پرەزي­دەنت – ەلباسى تۋ­را­لى زاڭنىڭ قابىل­دا­نۋى قازاق­ستان­داعى مەملەكەت قۇرىلى­سىن­داعى اسا ماڭىزدى كەزەڭ بولىپ تابى­لا­دى. بۇل – پرەزيدەنت ن.نازارباەۆ­تىڭ مارتەبەسىنە بايلانىستى ماسە­لەلەردى زاڭدىق تۇرعىدا بەكىتەتىن ەرەكشە زاڭ. تەك قازاقستان ازامات­تارى عانا ەمەس, شەتەلدىك قاي­رات­كەرلەر دە پرەزيدەنتتىڭ كۇشتى كوش­باسشىلىعىنىڭ ارقاسىندا قازاق­ستان تابىستى دامۋعا قول جەتكىزدى, يادرولىق قارۋدى تاراتپاۋ رەجىمىن بەكىتۋگە, حالىق­ارالىق جانە ايماق­تىق قاۋىپسىزدىكتى نىعايتۋعا زور ۇلەس قوستى دەپ سانايدى. پرەزيدەنت بۇرىنعى كەڭەس يمپەرياسىنىڭ قيراندىسىنان شىققانىمەن ءتيىمدى ارەكەت ەتەتىن مەملەكەت قۇرا الدى. قا­زاق­ستان ەكونوميكالىق داعدارىس­تان از عانا شىعىنمەن شىقتى جانە تۇراقتى دامۋ ءۇر­دىسىن ساقتاپ قالدى. پرەزيدەنتكە ەلباسى ءمار­تەبەسىن بەكىتەتىن زاڭدى قابىلداي وتىرىپ, پارلامەنت قازاقستان حالقى ال­دىنداعى قىزمەتى وراسان زور نۇرسۇلتان ءابىش ۇلىنىڭ كور­نەك­تى مەملەكەت قايرات­كەرى رەتىندە سىڭىرگەن ەڭبەگىن لايىقتى باعالادى. سونداي-اق وتىرىستا “قازاق­ستان رەس­پۋبليكاسىنىڭ ۇكىمەتى مەن رەسەي فەدە­راتسياسىنىڭ ۇكىمەتى اراسىنداعى رەسەي فەدەراتسيا­سى­نىڭ “بايقوڭىر” كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا, بايقو­ڭىر قالاسىنىڭ, تورەتام جانە اقاي كەنتتەرى­نىڭ تۇرعىندارىنا مەديتسينالىق قىزمەت كورسەتۋ ءتارتىبى تۋرالى كەلىسىمدى راتيفي­كا­تسيالاۋ تۋرالى”, “قازاقستان رەس­پۋب­لي­كا­سىنىڭ ۇكىمەتى مەن فين­ليان­ديا رەسپۋبليكاسىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى جانە وعان قاتىستى حاتتامانى راتيفيكاتسيا­لاۋ تۋرالى”, “قازاقستان رەسپۋب­ليكاسى مەن يسپانيا كورولدىگى اراسىنداعى ستراتەگيالىق ارىپتەس­تىك تۋرالى شارتتى راتيفيكا­تسيا­لاۋ تۋرالى”, “1995 جىلعى 23 جەلتوق­سان­­داعى قازاقستان رەسپۋبليكاسى مەن رەسەي فەدەراتسياسى اراسىن­دا­عى بايقوڭىر قالاسىنىڭ مارتەبەسى, ونداعى اتقارۋشى وكىمەت ورگاندا­رىن قۇرۋدىڭ ءتارتىبى مەن ولاردىڭ مارتەبەسى تۋرالى كەلىسىمگە وزگەرىس­تەر مەن تولىقتىرۋلار ەنگىزۋ تۋ­رالى حاتتامانى راتيفيكاتسيالاۋ تۋرالى” زاڭدار قابىلداندى. اسقار تۇراپباي ۇلى.