«بۇگىنگى تاڭدا «Pfizer» كومپانياسىنىڭ «كوميرناتي» كۆي-عا قارسى ۆاكتسيناسى قازاقستان اۋماعىندا قولدانىلاتىن باسقا ۆاكتسينالار رەسمي ۇسىنىلماعان حالىق توپتارى ءۇشىن قولجەتىمدى. وزدەرىڭىز بىلەتىندەي, بۇل توپتارعا 12 جاستان 17 جاسقا دەيىنگى جاسوسپىرىمدەر, جۇكتى ايەلدەر مەن لاكتاتسيا كەزەڭىندەگى ايەلدەر كىرەدى. قازىرگى ۋاقىتتا وسى ۆاكتسينامەن ەگىلەتىن كونتينگەنتتەردى كەڭەيتۋ بويىنشا شارالار قابىلداندى», دەدى اجار عينيات دەپۋتاتتىق ساۋالعا بەرگەن جاۋابىندا.
ول بۇگىنگى كۇنى دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكتسينالارمەن كوروناۆيرۋسقا قارسى ۆاكتسيناتسيالاۋ جانە قايتا ۆاكتسيناتسيالاۋ جۇرگىزۋ باستالعانىن ەسكە سالدى:
1) قازاقستان رەسپۋبليكاسىنىڭ مۇددەلەرىن حالىقارالىق دەڭگەيدە ءبىلدىرۋ ماقساتىندا شەتەلگە شىعاتىن ادامدارعا;
2) قازاقستان رەسپۋبليكاسى ءبىلىم جانە عىلىم مينيسترلىگى ۇسىنعان ءتىزىم بويىنشا راستايتىن قۇجاتتاردى (ستۋدەنتتىك ۆيزا, وقۋ ورنىنان شاقىرۋ) ۇسىنعان كەزدە «بولاشاق» حالىقارالىق ستيپەندياسىن يەلەنۋشىلەرگە جانە ۇكىمەتارالىق كەلىسىمدەر/شارتتار, ونىڭ ىشىندە اكادەميالىق ۇتقىرلىق شەڭبەرىندە شەتەلگە وقۋعا جىبەرىلەتىن ادامدارعا جانە ولاردىڭ وتباسى مۇشەلەرىنە بەرىلەدى;
3) شەتەلدىك وقۋ ورىندارىنا ءوز بەتىنشە تۇسكەن جانە ۇكىمەتارالىق كەلىسىمدەر نەمەسە اكادەميالىق ۇتقىرلىق شەڭبەرىندە وقيتىن ستۋدەنتتەرگە جانە «Work and travel» باعدارلاماسى بويىنشا شىعۋدى جوسپارلاپ وتىرعان ستۋدەنتتەرگە جانە ولاردىڭ وتباسى مۇشەلەرىنە قر بعم ۇسىنعان ءتىزىم بويىنشا راستايتىن قۇجاتتاردى (ستۋدەنتتىك ۆيزا, وقۋ ورنىنان شاقىرۋ) ۇسىنعان كەزدە;
4) قازاقستان رەسپۋبليكاسىنان تىس جەرلەردە ەمدەلۋ قاجەتتىلىگىن راستايتىن قۇجاتتاردى ۇسىنعان كەزدە شەتەلدە ەمدەلۋگە جىبەرىلەتىن پاتسيەنتتەرگە, سونداي-اق ولاردى ەمدەۋ ءۇشىن الىپ جۇرەتىن ادامدارعا بەرىلەدى.
«سونداي-اق, قازىرگى ۋاقىتتا حالىقتىڭ باسقا دا وسال توپتارى ءۇشىن ۆاتسينا قولجەتىمدىلىگىن قامتاماسىز ەتۋ ءۇشىن «Pfizer» كومپانياسىنىڭ «كوميرناتي» ۆاكتسيناسىن 1 ملن دوزا كولەمىندە جەتكىزۋ ماسەلەسى پىسىقتالۋدا», دەپ تۇيىندەدى مينيستر.
