ءبىلىم • 14 اقپان، 2022

ءىت جۇيەسىندە بىلىمدەرىن جەتىلدىردى

55 رەت كورسەتىلدى

قازاق ۇلتتىق قىزدار پەدا­گو­گيكالىق ۋنيۆەرسيتەتىنىڭ ستۋ­دەنت­­تەرى اكادەميالىق ۇتقىر­لىق باع­دارلاماسى ايا­سىندا ريگا تەح­نيكالىق ۋنيۆەرسي­ت­ەتىنىڭ اقپا­رات­تىق جۇيە­لەر مەنەدجمەنتى جوعا­رى مەكتەبىندە بىلىمدەرىن جەتىل­دىر­دى. فيزيكا، ماتەماتيكا جانە تسيفرلىق تەحنولوگيا­لار ينست­يتۋتىنىڭ ءبىلىم الۋشىلارى ءبىر سەمەستر كولەمىندە ەۋروپالىق ءبىلىم بەرۋ ستاندارتىنا نەگىزدەلگەن وقۋ جۇيەسىمەن تا­نىسۋعا مۇمكىندىك الدى.

بيىلعى وقۋ جىلىندا قازاق ۇلت­تىق قىزدار پەداگوگيكالىق ۋني­ۆەر­سيتەتىنىڭ 17 ءبىلىم الۋشىسى اكا­دە­ميا­­لىق ۇت­قىر­لىق جانە قوس ديپ­لوم­دى ءبىلىم بەرۋ باعدارلامالارى بويىنشا شەتەلدىڭ ىرگەلى جوعارى وقۋ ورىندارىندا بىلىم­دەرىن جەتىل­دىر­دى. اتاپ ايتقاندا، «ين­فور­ماتيكا» ماماندىعى بويىنشا ءبىلىم الاتىن ستۋدەنتتەر لاتۆيانىڭ مەنەدجمەنت جانە اقپاراتتىق جۇ­يە­لەر جوعارى مەك­تەبىندە، «شەتەل ءتىلى: ەكى شەت ءتىلى»، «اۋدارما ءىسى» ما­مان­دىقتارى بو­يىنشا ءبىلىم الاتىن ستۋدەنتتەر مەن ماگيسترانتتار پول­شانىڭ سيلەز ۋنيۆەرسيتەتىندە، «حيميا»، «بيولوگيا»، «گەوگرافيا» ما­مان­دىق­تارى بويىنشا ءبىلىم الاتىن ستۋ­دەنت­تەر تۇركيانىڭ نيدە ومەر حاليسدەمير ۋنيۆەرسيتەتىندە اكا­دە­ميا­لىق ۇتقىرلىق جانە قوس ديپلومدى ءبىلىم بەرۋ باعدارلامالارى بويىنشا بىلىك­تىلىگىن جەتىلدىرمەك.

قازىرگى تاڭدا ۋنيۆەرسيتەتتە شە­تەل­دىك جوعارى وقۋ ورىندارى­مەن 70-تەن استام حالىقارالىق شارت جا­سالعان. اكادەميالىق ۇتقىرلىق باع­دار­لاماسىن ىسكە اسىرۋ ماقساتىندا الەمنىڭ 9 جوعارى وقۋ ورنىمەن كەلىسىم ورناتىلعان. ولاردىڭ قاتارىندا اقش، تۇركيا، فرانتسيا، ۇلىبريتانيا، پول­شا، وڭتۇستىك كورەيا، رەسەي سىندى ەل­دەردەگى جەتەكشى ۋنيۆەرسيتەتتەر بار. ۋنيۆەرسيتەت ينتەرناتسيونالاندىرۋ­دى دامىتۋ ماقساتىندا اقش-تىڭ ميس­سيسيپي القابىنىڭ مەملەكەتتىك ۋني­ۆەرسيتەتىمەن، پولشانىڭ سيلەز ۋنيۆەرسيتەتىمەن جانە رەسەيدىڭ تومسك پوليتەحنيكالىق ۋنيۆەرسيتەتىمەن قوس ديپلومدى ءبىلىم بەرۋ باعدارلامالارىن ىسكە اسىرىپ وتىر.

– اكادەميالىق ۇتقىرلىق باعدار­لا­ماسى ستۋدەنتتەر ءۇشىن ۇلكەن تاجىريبە الاڭى. وسى باعدارلاما ارقىلى شە­تەل­دىك ءبىلىم جۇيەسىمەن، وزگە ۇلتتىڭ ما­دەنيەتىمەن تانىسۋعا، ومىرگە دەگەن كوزقاراسىمىزدى جاقسارتا تۇسۋگە مۇم­كىن­دىك تۋدى. ەڭ باستىسى، ەلىمىزدەگى ءبىلىم جۇيەسىنە جاڭا كوزقاراستار، جاڭا يدەيالار الىپ كەلدىك دەپ ويلايمىن. ۋنيۆەرسيتەتىمە وسىنداي مۇمكىندىك بەرگەنى ءۇشىن العىس ايتامىن، – دەيدى «6B01506-ينفورماتيكا» ماماندىعىنىڭ 3-كۋرس ستۋدەنتى ارۋجان ەستورە.

 

الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ۇقساس جاڭالىقتار