وتەتىنى الدىن-الا حابارلانعان شاراعا قالا تۇرعىندارى كوپ كەلدى. ادەتتەگىدەي, تۇرعىندار الەۋمەتتىك قامسىزداندىرۋ, جەر كاداسترىن تىركەۋ, جىلجىمايتىن م ۇلىككە قۇقىقتاردى تىركەۋ, زاڭدى تۇلعالاردى تىركەۋ ماسەلەلەرى بويىنشا سۇراقتارمەن كەلگەن.
الايدا, ازاماتتاردى قابىلداۋ بارىسىندا ۇيىمداستىرۋشىلار كۇتپەگەن ماسەلەلەر دە ورىن الدى. قابىلداۋعا كەلگەندەردىڭ 50 پايىزىنىڭ سۇراعى - «قازاقستان حالقىنا» قوعامدىق قورىنان قالاي كومەك الۋعا بولادى دەگەن سيپاتتا بولدى. وسى ماسەلەمەن ارنايى كەلگەندەر دە بولدى. «ونداي اقپاراتتى قايدان الىپ جۇرسىزدەر؟» دەگەن ساۋالعا, «قوردان كومەك الۋ ءۇشىن حقو-عا جۇگىنۋ كەرەك» دەگەن قاۋەسەتتى قۇلاعى شالعاندارىن ايتتى.
«اشىق ەسىك كۇندەرى الداعى ۋاقىتتا دا جالعاساتىن بولادى. مۇندا ازاماتتاردىڭ مەملەكەتتىك قىزمەت الۋ ماسەلەلەرىنە قاتىستى سۇراقتارىنا جاۋاپ بەرىپ, تۋىنداعان پروبلەمالارى بولسا شەشىلۋىنە كومەكتەسەتىن بولامىز. بىراق, «قازاقستان حالقىنا» قورىنا قاتىستى سۇراقتار ءبىزدىڭ قۇزىرەتىمىزگە جاتپايدى. سوندىقتان, ازاماتتارعا ەسكەرتەتىنىمىز, قورعا قاتىستى سۇراقتارمەن حقو-عا كەلىپ, ۋاقىتتارىن جوعالتپاسا ەكەن», دەيدى «ازاماتتارعا ارنالعان ۇكىمەت» مك كە اق الماتى قالاسى بويىنشا فيليالىنىڭ ديرەكتورى ەرمەك بەكجۇنىسوۆ.
شارانى ۇيىمداستىرۋشىلار قازىرگى كەزدە وزەكتى بولىپ تۇرعان «قازاقستان حالقىنا» قورىنان كومەك سۇراۋعا مۇقتاج جاندارعا www.qazaqstanhalqyna.kz سايتى ارقىلى قايىرىمدىلىق كومەككە قالاي جۇگىنۋگە بولاتىنى تۋرالى قادامدىق نۇسقاۋلاردى ء«وتىنىشتى قالاي بەرە الامىن» بولىمىنەن بىلۋگە بولاتىنىن ەسكەرتتى.
ءىس-شارا بارىسىندا 60-تان استام ازاماتقا كونسۋلتاتيۆتىك كومەك كورسەتىلدى, كەيبىر ماسەلەلەر ازاماتتارعا ارنالعان ۇكىمەتتىڭ الماتى فيليالى مەن مەملەكەتتىك قىزمەت ىستەرى اگەنتتىگى ءوز قۇزىرەتىنىڭ شەگىندە باقىلاۋعا الدى.
